Category : Kerala mx

മനാമ: ബഹ്റൈനിലെ ജുഫൈറിൽ ഫുഡ് ട്രക്കിന് തീപിടിച്ചു. വ്യാഴാഴ്ചയായിരുന്നു സംഭവം. സിവിൽ ഡിഫൻസിന്റെ സന്ദർഭോചിതമായ ഇടപെടലിൽ തീ നിയന്ത്രണ വിധേയമാകുകയും വലിയ അപകടത്തിലേക്ക് പോകുന്നത് തടയുകയും ചെയ്തു. പ്രദേശത്ത് മറ്റ് ട്രാക്കുകളുമുണ്ടായിരുന്നു. തീപിടുത്തത്തിൽ ആളപായമില്ലെന്നാണ് റിപ്പോർട്ട്. എന്നാൽ തീപിടുത്തമുണ്ടാകാനുള്ള കാരണം എന്താണെന്ന് വ്യക്തത വന്നിട്ടില്ല. ഗ്യാ​സ് സി​ലി​ണ്ട​റി​ന്‍റെ ചോ​ർ​ച്ച​യോ പെ​ട്രോ​ൾ ചോ​ർ​ച്ച​യോ മൂ​ലം പ്രദേ​ശ​ത്ത് ട്ര​ക്കു​ക​ളി​ൽ തീ ​പിടിക്കുന്ന സംഭവങ്ങൾ മുൻപും റിപ്പോർട്ട് ചെയ്തിട്ടുണ്ട്. ഇതുകൂടാതെ അശ്രദ്ധയും തീപിടുത്തത്തിന് കാരണമാകാറുണ്ട്.

കുവൈത്ത് സിറ്റി: വാട്ടർ ​ഗണ്ണുകളുടെയും വാട്ടർ ബലൂണിന്റെയും വിൽപ്പനക്ക് വിലക്കേർപ്പെടുത്തി കുവൈത്ത്. വാ​ണി​ജ്യ വ്യ​വ​സാ​യ മന്ത്രാലയമാണ് ഇത് സംബന്ധിച്ച ഉത്തരവ് പുറത്തിറക്കിയത്. ഫെബ്രുവരി 25, 26 തീയതികളിൽ നടക്കാനിരിക്കുന്ന ദേ​ശീ​യ ദി​നാ​ഘോ​ഷവുമായി ബന്ധപ്പെട്ടാണ് നടപടി. ആഘോഷങ്ങളുടെ ഭാഗമായി ക​ളി​ത്തോ​ക്കി​ൽ വെ​ള്ളം ചീ​റ്റു​ന്ന​തും വാ​ട്ട​ർ ബ​ലൂ​ൺ വാ​ഹ​ന​ങ്ങ​ൾ​ക്ക് നേ​​രെ എ​റി​യു​ന്ന​തും പ​തി​വാ​ണ്. ഇത്തരം പ്രവണതകൾ യാ​ത്ര​ക്കാ​ർ​ക്കും പൊ​തു​ജ​ന​ങ്ങ​ൾ​ക്കും ബു​ദ്ധി​മു​ട്ടുണ്ടാക്കാനിടയുണ്ട്. അതിനാലാണ് വാ​ട്ട​ർ ബ​ലൂ​ൺ വി​ൽ​പ​ന​ക്ക് അ​ധി​കൃ​ത​ർ താ​ൽ​ക്കാ​ലി​കമായി വി​ല​ക്ക് ഏർപ്പെടുത്തിയിരിക്കുന്നത്.