ഇന്ത്യൻ നാവികസേനയ്‌ക്ക് റാഫേൽ- മറൈൻ യുദ്ധവിമാനങ്ങൾ നൽകാനൊരുങ്ങി ഫ്രാൻസ്

ഡൽഹി: ഇന്ത്യൻ നാവികസേനയ്‌ക്ക് റാഫേൽ- മറൈൻ യുദ്ധവിമാനങ്ങൾ നൽകാനൊരുങ്ങി ഫ്രാൻസ്. വിമാനങ്ങൾ കൈമാറുന്നതിന്റെ ഭാ​ഗമായുള്ള കരാറിൽ ഇരുരാജ്യങ്ങളും ഒപ്പുവെക്കും. 26 വിമാനങ്ങളാണ് വാങ്ങുന്നത്. ഈ മാസം 28-നാണ് ധാരണയാകുന്നത്. ഇരുരാജ്യങ്ങളിലെയും മുതിർന്ന നേതാക്കൾ കാരറിൽ ഒപ്പുവക്കും.

ഡൽഹിയിലെ സൗത്ത് ബ്ലോക്കിലെ പ്രതിരോധ മന്ത്രാലയ ആസ്ഥാനത്തിന് പുറത്ത് ഒപ്പുവയ്‌ക്കൽ ചടങ്ങുകളുടെ ഭാ​ഗമായി വിപുലമായ പരിപാടി നടത്താനും സർക്കാർ തീരുമാനിച്ചിട്ടുണ്ട്. പരിപാടിയിൽ പങ്കെടുക്കുന്നതിനായി ഫ്രഞ്ച് പ്രതിനിധി ഇന്ന് ഇന്ത്യയിലെത്തും. 63,000 കോടിയിലധികം രൂപയുടെ കരാറിൽ ഫ്രഞ്ച് പ്രതിരോധ മന്ത്രി സെബാസ്റ്റ്യൻ ലെകോർണുവിന്റെ സാന്നിധ്യത്തിലാണ് ഒപ്പുവെക്കുന്നത്.