Author: Arya Suresh

  കോഴിക്കോട് : നിപ രോ​ഗലക്ഷണങ്ങളോടെ കോഴിക്കോട് സ്വകാര്യ ആശുപത്രിയിൽ ചികിത്സക്കായി എത്തിയ കുട്ടിക്ക് ചെള്ളുപനി സ്ഥിരീകരിച്ചു. പെരിന്തല്‍മണ്ണ സ്വകാര്യ ആശുപത്രിയില്‍നിന്ന് കൊച്ചിയിലെ ലാബിലേക്കയച്ച കുട്ടിയുടെ പരിശോധന ഫലത്തിലാണ് പോസിറ്റീവായത്. തുടർന്ന് ആരോഗ്യ വകുപ്പിനു കൈമാറി.   പൂനെ വയറോളജി ഇന്‍സ്റ്റിറ്റ്യൂട്ടിലേക്ക് നിപ്പ രോ​ഗലക്ഷണങ്ങളോടെ എത്തിയ കുട്ടിയുടെ സ്രവ സാംപിളാണ് വിശദ പരിശോധനയ്ക്കായി അയച്ചത്. തുടർന്നാണ് കുട്ടിയിൽ ചെള്ളുപനി സ്ഥിരീകരിച്ചത് . നിപ്പയുടെ പരിശോധനാഫലം ഇന്ന് വൈകുന്നേരത്തോടെ ലഭിക്കും. മലപ്പുറം

  കോഴിക്കോട്: കോഴിക്കോട്ടെ സ്വകാര്യ ആശുപത്രിയില്‍ നിപ്പ ലക്ഷണങ്ങലോടെ ചികിത്സയിലുള്ള കുട്ടിയുടെ സ്രവം പുണെ വൈറോളജി ഇന്‍സ്റ്റിട്ട്യൂട്ടില്‍ പരിശോധനയ്ക്ക്അയച്ചു. അതേസമയം കുട്ടിയുടെ ആരോഗ്യനില ഗുരുതരമെന്നാണ് ലഭിക്കുന്ന വിവരം. പതിനഞ്ചുകാരനായ മലപ്പുറം ചെമ്പ്രശ്ശേരി പാണ്ടിക്കാട് സ്വദേശിയാണ് ചികിത്സയിലുള്ളത്. പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികിത്സ തേടിയെത്തിയ കുട്ടിയെ കോഴിക്കോട്ടെ സ്വകാര്യ ആശുപത്രിയിലേക്ക് തുടർ ചികിത്സക്കായി മാറ്റുകയായിരുന്നു. കുട്ടിയുടെ സമ്പര്‍ക്കപ്പട്ടികയില്‍ ഉള്ള മൂന്ന് പേര്‍ നീരീക്ഷണത്തിലാണ്. നിപ പ്രോട്ടോക്കോള്‍ പാലിക്കാന്‍ ആരോഗ്യവകുപ്പ് നിര്‍ദേശം നല്‍കിയിട്ടുണ്ട്.