Author: Sandhya

ഗുജറാത്ത് തീരത്തിനടുത്ത് ലൈബീരിയൻ കപ്പലായ എം.വി.കെ. പ്ലൂട്ടോ എന്ന ചരക്കുകപ്പലിനുനേരെ ഡ്രോൺ ആക്രമണമുണ്ടായ സംഭവത്തിൽ നാവികസേന അന്വേഷണത്തിന് ഉത്തരവിട്ടു. ഇസ്രയേൽ ബന്ധമുള്ള കപ്പൽ സൗദിയിൽനിന്ന് ക്രൂഡ് ഓയിലുമായി മംഗളൂരു തുറമുഖത്തേക്ക് വരുകയായിരുന്നു. ശനിയാഴ്ച വെരാവൽ തീരത്തിന് 200 നോട്ടിക്കൽ മൈൽ അകലെയായിരുന്നു ആക്രമണം. ആക്രമണത്തിൽ കപ്പലിന്റെ പിൻഭാഗത്ത് സ്‌ഫോടനമുണ്ടായി. റോപ് ലോക്കറിൽ തീപടർന്നു. കപ്പലിൽ വെള്ളംകയറി. ജീവനക്കാർ സുരക്ഷിതരാണെന്ന് കോസ്റ്റ് ഗാർഡ് അറിയിച്ചു. 22 ജീവനക്കാരിൽ 21 പേരും ഇന്ത്യക്കാരാണ്.

രാജസ്ഥാനിൽ പതിനെട്ടുകാരിയെ ഒരു വർഷത്തിലേറെ പീഡിപ്പിച്ച മൂന്നു പോലീസ് കോൺസ്റ്റബിൾമാർക്കെതിരേ കേസ്.അൽവാർ ജില്ലയിലാണ് സംഭവം. വിവരം പുറത്തുപറഞ്ഞാൽ സഹോദരനെ കള്ളക്കേസിൽ കുടുക്കുമെന്ന് ഭീഷണിപ്പെടുത്തിയായിരുന്നു പീഡനം. അതിജീവത എസ്.‌പി. ഓഫീസിലെത്തി പരാതിനൽകിയതോടെയാണ് സംഭവം പുറത്തറിഞ്ഞത്. റെയ്നി പോലീസ് സ്റ്റേഷനിലും രാജ്ഗഡ് സർക്കിൾ ഓഫീസിലും മലാഖേഡ പോലീസ് സ്റ്റേഷനിലും ജോലിചെയ്യുന്ന കോൺസ്റ്റബിൾമാർക്കെതിരേയാണ് പരാതി. പീഡനം നടക്കുമ്പോൾ കുട്ടി പ്രായപൂർത്തിയായിരുന്നില്ലെന്ന് പോലീസ് സൂപ്രണ്ട് ആനന്ദ് ശർമ പറഞ്ഞു. കൂട്ടബലാത്സംഗം, പോക്സോ ഉൾപ്പെടെയുള്ള വകുപ്പുകൾ പ്രകാരമാണ്

കുളിമുറിയിലെ ഹീറ്ററിൽനിന്ന് ചോർന്ന കാർബൺ മോണോക്സൈഡ് ശ്വസിച്ച് ഗർഭിണി മരിച്ചു. സ്വകാര്യ കമ്പനി ജീവനക്കാരിയായ രമ്യയാ(24)ണ് മരിച്ചത്. വാതകം ശ്വസിച്ച് അവശനിലയിലായ ഇവരുടെ നാലുവയസ്സുകാരനായ മകൻ സാമ്രാട്ടിനെ എം.എസ്. രാമയ്യ ആശുപത്രിയിൽ പ്രവേശിപ്പിച്ചു. ശനിയാഴ്ച രാത്രിയാണ് സംഭവം. മകനെ കുളിമുറിയിൽവെച്ച് കുളിപ്പിക്കുന്നതിനിടെയാണ് വിഷവാതകം ശ്വസിച്ച് രമ്യയും സാമ്രാട്ടും ബോധരഹിതരായത്. ജോലികഴിഞ്ഞെത്തിയ ഭർത്താവ് ജഗദീഷ് കുളിമുറിയിൽനിന്നുള്ള വെള്ളം മുറിയിൽ നിറഞ്ഞതുകണ്ട് പരിശോധിച്ചതോടെയാണ് ഇരുവരെയും കണ്ടത്. തുടർന്ന് സമീപവാസികളുടെ സഹായത്തോടെ ആശുപത്രിയിലെത്തിച്ചെങ്കിലും രമ്യയുടെ

ബെംഗളൂരു രാജ്യത്തിന്റെ സ്പോർട്‌സ് ഹബ്ബെന്ന് അറിയപ്പെടുമെന്ന് കേന്ദ്ര യുവജനക്ഷേമ കായികവകുപ്പ് മന്ത്രി അനുരാഗ് സിങ് ഠാക്കൂർ പറഞ്ഞു. അനുയോജ്യമായ കായികാന്തരീക്ഷം, കാലാവസ്ഥ, സൗകര്യങ്ങൾ എന്നിവയെല്ലാമുള്ളതിനാലാണ് ബെംഗളൂരുവിനെ കായികഹബ്ബായി കാണുന്നതെന്നും അദ്ദേഹം വ്യക്തമാക്കി. സ്പോർട്‌സ് അതോറിറ്റി ഓഫ് ഇന്ത്യ (സായ്) ബെംഗളൂരു റീജണൽ സെന്ററിൽ പുതിയതായി നിർമിച്ച രണ്ട് ഹോസ്റ്റൽകെട്ടിടങ്ങൾ ഉദ്ഘാടനംചെയ്ത് സംസാരിക്കുകയായിരുന്നു കേന്ദ്രമന്ത്രി. 330 കിടക്കകളും 300 കിടക്കകളും 400 മീറ്റർ സിന്തറ്റിക് അത്‌ലറ്റിക്സ് ട്രാക്കുമുള്ള ഹോസ്റ്റൽസൗകര്യങ്ങളാണ് ആരംഭിച്ചത്. 28.72

ജമ്മുവിലെ അഖ്‌നൂർ മേഖലയിൽ നിയന്ത്രണരേഖയ്ക്കു സമീപം സൈന്യവും പോലീസും സംയുക്തമായി നടത്തിയ പരിശോധനയിൽ, ഡ്രോൺ ഉപയോഗിച്ച് എത്തിച്ച ആയുധങ്ങളും പണവും കണ്ടെടുത്തു. അട്ടിമറിപ്രവർത്തനങ്ങൾക്കായി പാകിസ്താൻ ഡ്രോണുകൾ വഴി പൊതികളിറക്കിയതെന്നാണ് നിഗമനം. ഖൗർ പ്രദേശത്തെ ചന്നി ദേവാനോ ഗ്രാമത്തിലെ വയലിലാണ് രണ്ടു പൊതികൾ കിടന്നിരുന്നത്. ഒമ്പത് ഇറ്റാലിയൻ നിർമിത തോക്കുകൾ, മൂന്നു വെടിക്കോപ്പുകൾ, സ്ഫോടകവസ്തുക്കൾ, ഐ.ഇ.ഡി. ബാറ്ററികൾ, ഗ്രനേഡ്, 35,000 രൂപ എന്നിവയാണ് കണ്ടെടുത്തത്.

ഒഡിഷയിൽ മാവോവാദികൾക്കായി തിരച്ചിൽ നടത്തുന്നതിനിടെ ഇംപ്രൊവൈസ്ഡ് എക്സ്പ്ലോസീവ് ഡിവൈസ് (ഐ.ഇ.ഡി.) പൊട്ടിത്തെറിച്ച് രണ്ടുസൈനികർക്ക് പരിക്കേറ്റു. ഞായറാഴ്ച പത്തോടെ കാന്ധമാൽ ജില്ലയിൽ തുമുടിബന്ദിലെ വനമേഖലയിലാണ് സംഭവം. പ്രത്യേക സംഘത്തിലെ (എസ്.ഒ.ജി.) സൈനികർക്കാണ് മാവോവാദികൾ സ്ഥാപിച്ചതെന്നു കരുതുന്ന സ്ഫോടകവസ്തു പൊട്ടിത്തെറിച്ച് പരിക്കേറ്റത്. സൈനികരെ ആശുപത്രിയിൽ പ്രവേശിപ്പിച്ചതായും അപകടനില തരണം ചെയ്തതായും പോലീസ് അറിയിച്ചു.

ഇന്ത്യ തദ്ദേശീയമായി നിർമിച്ച യുദ്ധക്കപ്പൽ ഐ.എൻ.എസ്. ഇംഫാൽ ചൊവ്വാഴ്ച കമ്മിഷൻ ചെയ്യും. മിസൈൽ നശീകരണ ഇനത്തിൽപ്പെടുന്ന കപ്പലിൽനിന്ന് ബ്രഹ്മോസ് മിസൈൽ അടക്കമുള്ളവ വിക്ഷേപിക്കാനാകും. ഇന്ത്യൻ മഹാസമുദ്രത്തിൽ ചൈനയുടെ വെല്ലുവിളി നേരിടാൻ ഐ.എൻ.എസ്. ഇംഫാൽ കരുത്തേകുമെന്ന് നാവികസേനാവൃത്തങ്ങൾ പറഞ്ഞു. പശ്ചിമ നാവിക കമാൻഡിനുകീഴിലാകും പ്രവർത്തനം. വടക്കുകിഴക്കൻ സംസ്ഥാനങ്ങളിലെ സ്ഥലത്തിന്റെ പേരിലറിയപ്പെടുന്ന ആദ്യ യുദ്ധക്കപ്പലുമാണിത്. ‘വിശാഖപട്ടണം’ ശ്രേണിയിൽപ്പെടുന്ന നാലു കപ്പലുകളിൽ മൂന്നാമത്തെയാണിത്. ഐ.എൻ.എസ്. വിശാഖപട്ടണവും ഐ.എൻ.എസ്. മോർമുഗാവും നേരത്തേ കമ്മിഷൻ ചെയ്തിരുന്നു. നാലാമത്തെ

കർണാടകത്തിൽ തൊഴിൽരഹിതരായ ബിരുദധാരികൾക്ക് മാസംതോറും 3000 രൂപവീതവും ഡിപ്ലോമയുള്ളവർക്ക് 1500 രൂപയും ലഭിക്കുന്ന യുവനിധി പദ്ധതി ദേശീയ യുവജനദിനമായ ജനുവരി 12-ന് ആരംഭിക്കും. ശിവമോഗ ഫ്രീഡംപാർക്കിൽ നടക്കുന്ന ചടങ്ങിൽ മുഖ്യമന്ത്രി സിദ്ധരാമയ്യ പദ്ധതി ഉദ്ഘാടനംചെയ്യും. അർഹരായവർക്ക് തുക അന്നേ ദിവസം വിതരണംചെയ്തുതുടങ്ങും. പദ്ധതിക്കുള്ള രജിസ്‌ട്രേഷൻ ചൊവ്വാഴ്ച ആരംഭിക്കും. രേഖകൾസഹിതം സർക്കാരിന്റെ സേവാ സിന്ധു പോർട്ടലിലൂടെയാണ് അപേക്ഷിക്കേണ്ടത്. കോൺഗ്രസിന്റെ അഞ്ചിന തിരഞ്ഞെടുപ്പ് വാഗ്ദാനങ്ങളിലൊന്നാണ് യുവനിധി പദ്ധതി. ഉദ്ഘാടനച്ചടങ്ങിൽ മുഖ്യമന്ത്രിക്കുപുറമേ മറ്റുമന്ത്രിമാരും പങ്കെടുക്കുമെന്ന്

ഡൽഹി മദ്യനയ അഴിമതിക്കേസുമായി ബന്ധപ്പെട്ട് ആം ആദ്മി നേതാവ് സഞ്ജയ് സിങ് സമർപ്പിച്ച ജാമ്യാപേക്ഷ ഡൽഹി കോടതി തള്ളി. ജാമ്യം നൽകിയാൽ അന്വേഷണത്തെ ബാധിക്കുമെന്നും സാക്ഷികളെ സ്വാധീനിക്കാൻ സാധ്യതയുണ്ടെന്നുമുള്ള ഇ.ഡി. വാദം പ്രത്യേക ജഡ്ജി എം.കെ. നാഗ്പാൽ ശരിവെച്ചു. അതേസമയം സഞ്ജയ് സിങ്ങിന് പണംനൽകിയെന്ന് ഇ.ഡി. ആരോപിക്കുന്ന ദിനേഷ് അറോറയുടെയും മറ്റു സാക്ഷികളുടെയും മൊഴികളിൽ വൈരുധ്യമുണ്ടെന്ന് സഞ്ജയ് സിങ്ങിന്റെ അഭിഭാഷകൻ വാദിച്ചു.

വളർത്തുനായ തന്റെനേരെ തുടർച്ചയായി കുരച്ചെന്നാരോപിച്ച് 35-കാരൻ ഉടമയായ വയോധികയെ കൊലപ്പെടുത്തി. സംഭവവുമായി ബന്ധപ്പെട്ട് ശാന്തിനഗർ സ്വദേശിയായ യുവാവിനെ പോലീസ് അറസ്റ്റുചെയ്തു.മധ്യപ്രദേശിലെ ഇന്ദോറിലെ മുസാഖേഡിയിൽ ശനിയാഴ്ച രാത്രി 10.30-ഓടെയാണ് സംഭവം. പ്രതി കടയടച്ച് വീട്ടിലേക്ക് പോകുമ്പോഴാണ് നായ തുടർച്ചയായി കുരച്ചത്. ഇതോടെ ഉടമയായ അറുപത്തിയഞ്ചുകാരി വീട്ടിൽനിന്ന് പുറത്തിറങ്ങി. ഇരുവരും തമ്മിൽ വാക്കേറ്റമുണ്ടായി. ക്ഷുഭിതനായ യുവാവ് വയോധികയുടെ വയറ്റിൽ ചവിട്ടി തള്ളിയിട്ടു. സമീപവാസികൾ ചേർന്ന് ഇവരെ അടുത്തുള്ള ആശുപത്രിയിൽ എത്തിച്ചെങ്കിലും രക്ഷിക്കാനായില്ല.