കർണാടകത്തിൽ യുവനിധി പദ്ധതി ദേശീയ യുവജനദിനമായ ജനുവരി 12-ന് ആരംഭിക്കും

പദ്ധതിക്കുള്ള രജിസ്‌ട്രേഷൻ ചൊവ്വാഴ്ച ആരംഭിക്കും. രേഖകൾസഹിതം സർക്കാരിന്റെ സേവാ സിന്ധു പോർട്ടലിലൂടെയാണ് അപേക്ഷിക്കേണ്ടത്. കോൺഗ്രസിന്റെ അഞ്ചിന തിരഞ്ഞെടുപ്പ് വാഗ്ദാനങ്ങളിലൊന്നാണ് യുവനിധി പദ്ധതി. ഉദ്ഘാടനച്ചടങ്ങിൽ മുഖ്യമന്ത്രിക്കുപുറമേ മറ്റുമന്ത്രിമാരും പങ്കെടുക്കുമെന്ന് വിദ്യാഭ്യാസമന്ത്രി മധു ബംഗാരപ്പ പറഞ്ഞു. ഈ വർഷം പഠനം പൂർത്തിയാക്കിയവർക്കാണ് പദ്ധതിയുടെ ആനുകൂല്യം ലഭിക്കുക. ആറുമാസം കഴിഞ്ഞിട്ടും ജോലി ലഭിക്കാത്തവർക്ക് അപേക്ഷിക്കാം.