Author: Sandhya

സൗദിയിൽ ഉംറ തീർഥാടരുടെ ബസിന് തീപിടിച്ച് ആറ് മരണം. 14 പേർക്ക് പേർക്ക് പരുക്കേറ്റു. ഇന്നലെ മക്ക മദീന റോഡിൽ വാദി ഖുദൈദിലാണ് അപകടമുണ്ടായത്. ഇന്തൊനീഷ്യൻ ഉംറ തീർഥാടന സംഘമാണ് അപകടത്തിൽ പെട്ടത്.20 ഇന്തൊനീഷ്യക്കാർ സഞ്ചരിച്ചിരുന്ന ബസ് മറ്റൊരു വാഹനവുമായി കൂട്ടിയിടിച്ച് മറിഞ്ഞ് തീപിടിക്കുകയായിരുന്നു.  

യുഎഇയുടെ മധ്യസ്ഥതയിൽ റഷ്യയും യുക്രൈനും 350 തടവുകാരെ കൂടി മോചിപ്പിച്ചു. ഇരുരാജ്യങ്ങൾക്കുമിടയിൽ യുഎഇയുടെ 13-മത് മധ്യസ്ഥ ശ്രമമാണിത്. 175 വീതം വീതം തടവുകാരെയാണ് ഇത്തവണ കൈമാറിയത്. ഇതോടെ കൈമാറ്റം ചെയ്യപ്പെട്ട മൊത്തം തടവുകാരുടെ എണ്ണം 3233 ആയി. യുഎഇയുടെ മധ്യസ്ഥ ശ്രമങ്ങളുമായുള്ള സഹകരണത്തിന് വിദേശകാര്യമന്ത്രാലയം ഇരുരാജ്യങ്ങളോടും നന്ദി പറഞ്ഞു.

ആഗോള സന്തോഷ സൂചികയിൽ റാങ്കിങ് മെച്ചപ്പെടുത്തി യുഎഇ. അമേരിക്ക, ബ്രിട്ടൻ, ജർമനി, ഫ്രാൻസ്, സിംഗപ്പൂർ എന്നീ രാജ്യങ്ങളെയും മറ്റെല്ലാ അറബ് രാജ്യങ്ങളെയും പിന്നിലാക്കി യുഎഇ ആഗോളതലത്തിൽ ഇരുപത്തിയൊന്നാം സ്ഥാനംനേടി. ആഗോളതലത്തിൽ പണം സംഭാവന ചെയ്യുന്നതിൽ യുഎഇ ലോകത്ത് 16-ാം സ്ഥാനത്തും സന്നദ്ധസേവന സമയത്തിന്റെ കാര്യത്തിൽ 19-ാം സ്ഥാനത്തുമാണ്. അപരിചിതനെ സഹായിക്കുന്നതിൽ ലോകത്ത് 67-ാം സ്ഥാനത്താണ് യുഎഇ.  

പെരുന്നാൾ അവധിയടുത്തതോടെ വിമാനത്താവളങ്ങളിൽ ഇനി തിരക്കേറുമെന്ന് റിപ്പോർട്ട്. വാരാന്ത്യം ദുബായ് വിമാനത്താവളത്തിലേക്ക് വരുകയും പോവുകയുംചെയ്യുന്ന യാത്രക്കാരുടെ എണ്ണത്തിൽ വൻവർധനവുണ്ടാകുമെന്ന് എമിറേറ്റ്‌സ് എയർലൈൻ വക്താവ് അറിയിച്ചു. ഈ കാലയളവിൽ ടെർമിനൽ മൂന്നിന്റെ പ്രവേശന കവാടങ്ങളിൽ ഗതാഗതകുരുക്ക് പ്രതീക്ഷിക്കണമെന്നും കാലതാമസം ഒഴിവാക്കാൻ യാത്രക്കാർ മുൻകൂട്ടി തയ്യാറെടുപ്പുകൾ നടത്തണമെന്നും അധികൃതർ അഭ്യർഥിച്ചു. ഈ മാസം 28, 29 തീയതികളിലും ഏപ്രിൽ അഞ്ച്, ആറ്്‌ തീയതികളിലുമായിരിക്കും തിരക്കേറുക. ഏകദേശം 80,000-ത്തിലേറെ പ്രതിദിനയാത്രക്കാരെ ഇക്കാലയളവിൽ പ്രതീക്ഷിക്കുന്നുണ്ട്. യാത്രയ്ക്ക്