പൊതുമേഖലാസ്ഥാപനങ്ങളിലെ ശമ്പള ഏകീകരണം ഗുണകരമല്ലെന്ന് ടി.പി.രാമകൃഷ്ണൻ

പൊതുമേഖലാസ്ഥാപനങ്ങളിലെ ജീവനക്കാരുടെ സേവന-വേതന വ്യവസ്ഥകൾ ഏകീകരിക്കാനായി കൊണ്ടുവന്ന ഉത്തരവ് കെഎസ്എഫ്ഇ ജീവനക്കാർക്കു ഗുണകരമല്ലെന്ന് എൽഡിഎഫ് കൺവീനർ ടി.പി.രാമകൃഷ്ണൻ പറഞ്ഞു. കെഎസ്എഫ്ഇ സ്റ്റാഫ് അസോസിയേഷൻ(സിഐടിയു), കെഎസ്എഫ്ഇ ഓഫീസേഴ്‌സ് യൂണിയൻ സെക്രട്ടേറിയറ്റിനു മുന്നിൽ സംഘടിപ്പിച്ച സമരം ഉദ്ഘാടനം ചെയ്യുകയായിരുന്നു അദ്ദേഹം.

ജീവനക്കാർക്കു ബുദ്ധിമുട്ടുണ്ടാകാത്ത വിധത്തിൽ ഉത്തരവിൽ ഭേദഗതിവരുത്തുകയോ അല്ലെങ്കിൽ കെഎസ്എഫ്ഇയെ ഇതിൽനിന്ന് ഒഴിവാക്കുകയോ വേണം. ഏപ്രിൽ 30-നുള്ളിൽ അനുകൂലതീരുമാനം ഉണ്ടായില്ലെങ്കിൽ മേയ് മാസത്തിൽ പണിമുടക്കുസമരം നടത്തുമെന്നും അദ്ദേഹം പറഞ്ഞു.