Category : Kerala mx

ചേ​ര്‍​ത്ത​ല: തെ​രു​വ് നാ​യ​യു​ടെ ക​ടി​യേ​റ്റ സ്ത്രീ മ​രി​ച്ചു.ക​ട​ക്ക​ര​പ്പ​ള്ളി പ​ഞ്ചാ​യ​ത്ത് എ​ട്ടാം വാ​ര്‍‍​ഡ് വ​ട​ക്കേ ക​ണ്ട​ത്തി​ല്‍ ല​ളി​ത(63)യാ​ണ് മ​രി​ച്ച​ത്.നായയുടെ കടിയേറ്റ് ​ഒ​രാ​ഴ്ച പി​ന്നി​ട്ട​പ്പോ​ള്‍ പേ​വി​ഷ​ബാ​ധ​യേ​റ്റാണ് ല​ളി​ത മരണപ്പെട്ടത്. ഒ​രാ​ഴ്ച മു​മ്പു ല​ളി​ത വീ​ട്ടി​ല്‍ മീ​ന്‍ വെ​ട്ടി​കൊ​ണ്ടി​രു​ന്ന​പ്പോ​ള്‍ തെ​രു​വു​പ​ട്ടി ക​ടി​ക്കു​ക​യാ​യി​രു​ന്നു. ചെ​റി​യ പ​ട്ടി​യാ​യ​തി​നാ​ല്‍ തു​ട​ര്‍​ചി​കി​ത്സ​യൊ​ന്നും ന​ട​ത്തി​യില്ല. വ്യാ​ഴാ​ഴ്ച രോ​ഗ​ല​ക്ഷ​ണ​ങ്ങ​ള്‍ കാ​ണി​ച്ച​തോ​ടെ​യാ​ണ് തു​റ​വൂ​ര്‍ താ​ലൂ​ക്ക് ആ​ശു​പ​ത്രി​യി​ലും തു​ട​ര്‍​ന്ന് ആ​ല​പ്പു​ഴ മെ​ഡി​ക്ക​ല്‍ കോ​ള​ജി​ലും പ്ര​വേ​ശി​പ്പി​ച്ച​ത്. വെ​ള​ളി​യാ​ഴ്ച 2.30 ഓ​ടെ മ​രി​ച്ചു.  

ആ​ല​പ്പു​ഴ: അപകടത്തെ തുടർന്ന് 15 മാ​സ​മാ​യി അ​ബോ​ധാ​വ​സ്ഥ​യി​രു​ന്ന നി​യ​മ വി​ദ്യാ​ർ​ഥി​നി മ​രി​ച്ചു.തോ​ണ്ട​ൻ​കു​ള​ങ്ങ​ര കൃ​ഷ്ണ​കൃ​പ​യി​ൽ വാ​ണി സോ​മ​ശേ​ഖ​ര​ൻ (24) ആ​ണ് മ​രി​ച്ച​ത്.കോ​ള​ജി​ലേ​ക്കു​ള്ള റോ​ഡ് കു​റു​കെ ക​ട​ക്കു​ന്ന​തി​നി​ടെ കാറിടിച്ചാണ് പെൺകുട്ടിക്ക് പരിക്കേറ്റത്. 2023 സെ​പ്റ്റം​ബ​ർ 21ന് ​ഏ​റ്റു​മാ​നൂ​ർ സി​എ​സ്ഐ ലോ ​കോ​ള​ജി​ന് മു​ന്നി​ൽ വ​ച്ചാ​യി​രു​ന്നു അ​പ​ക​ടം. വീ​ഴ്ച​യി​ൽ ത​ല​ച്ചോ​റി​ന് ഗു​രു​ത​ര​മാ​യി പ​രു​ക്കേ​റ്റ​തി​നെ​ത്തു​ട​ർ​ന്നു അ​ബോ​ധാ​വ​സ്ഥ​യി​ലാ​യി.ആ​ദ്യം തെ​ള്ള​ക​ത്തെ​യും പി​ന്നീ​ട് വെ​ല്ലൂ​രി​ലെ​യും സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ​യി​ലാ​യി​രു​ന്നു. ക​ഴി​ഞ്ഞ മൂ​ന്ന് മാ​സ​മാ​യി വീ​ട്ടി​ൽ വെ​ന്‍റി​ലേ​റ്റ​ർ സൗ​ക​ര്യ​മൊ​രു​ക്കി​യാ​ണ് പ​രി​ച​രി​ച്ചി​രു​ന്ന​ത്.