Author: Sandhya

പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ 25 വർഷം തടവിന് ശിക്ഷിച്ച യു.പി.യിലെ ബി.ജെ.പി. എം.എൽ.എ.യെ നിയമസഭയിൽനിന്ന് അയോഗ്യനാക്കി. ദുദി മണ്ഡലം എം.എൽ.എ.യായ രാംദുലാർ ഗോണ്ടിനെയാണ് അയോഗ്യനാക്കിയത്. ഒമ്പതുവർഷം മുമ്പാണ് ഗോണ്ട് പെൺകുട്ടിയെ പീഡിപ്പിച്ചത്. രണ്ടുവർഷമോ അതിൽകൂടുതൽ കാലത്തേക്കോ തടവുശിക്ഷ ലഭിച്ചവരെ അയോഗ്യരാക്കണമെന്നാണ് നിയമം. ഇനി ആറുവർഷത്തേക്ക് മത്സരിക്കാനുമാകില്ല. ഡിസംബർ 12-നാണ് ഗോണ്ട കുറ്റക്കാരനാണെന്ന് കോടതി വിധിച്ചത്. മൂന്നുദിവസത്തിനുശേഷം വിധിയും പ്രസ്താവിച്ചു. 2014-ലാണ് കേസിനാസ്പദമായ സംഭവം. ആ സമയത്ത് ഇയാൾ എം.എൽ.എ.

രാജ്യത്ത് പൊതു, സ്വകാര്യ ബാങ്കുകളിൽ അവകാശികളില്ലാത്ത നിക്ഷേപം പെരുകിവരുന്നു. മുൻ വർഷത്തെ അപേക്ഷിച്ച് കഴിഞ്ഞ സാമ്പത്തികവർഷം 9338 കോടി രൂപയുടെ അധികനിക്ഷേപമാണ് പൊതുമേഖലാ, സ്വകാര്യ ബാങ്കുകളിൽ അവകാശികളില്ലാത്തതായി കണ്ടെത്തിയത്. കഴിഞ്ഞ മാർച്ച് 31 വരെയുള്ള കണക്കാണിത്. നടപ്പു സാമ്പത്തികവർഷത്തെ കണക്ക് അടുത്ത മാർച്ച് 31-ന് ശേഷമേ വരൂ. കാലാവധി പൂർത്തിയായി 10 വർഷം പിന്നിട്ടിട്ടും അവകാശികളാരും എത്താതിരിക്കുന്ന നിക്ഷേപത്തെയാണ് അവകാശികളില്ലാത്ത നിക്ഷേപമായി കണക്കാക്കുക. ഈ തുക പിന്നീട് അതത് ബാങ്കുകൾ

പാർലമെന്റ് അതിക്രമത്തിൽ അറസ്റ്റിലായ മഹേഷ് കുമാവതിന്റെ കസ്റ്റഡികാലാവധി ഡൽഹി മജിസ്‌ട്രേറ്റ് കോടതി രണ്ടാഴ്ചത്തേക്കു നീട്ടി. 15-ന് അറസ്റ്റിലായ മഹേഷ് കുമാവതിനെ കനത്തസുരക്ഷാസന്നാഹങ്ങളോടെയാണ് ശനിയാഴ്ച കോടതിയിൽ ഹാജരാക്കിയത്. ഒരാഴ്ചത്തെ പോലീസ് കസ്റ്റഡി വെള്ളിയാഴ്ച അവസാനിച്ചിരുന്നു. യു.എ.പി.എ. ചുമത്തിയ പ്രതിയെ പരമാവധി 30 ദിവസമാണ് പോലീസിന് കസ്റ്റഡിയിൽവെക്കാനാകുക. പാർലമെന്റ് അതിക്രമത്തിന്റെ മുഖ്യ ആസൂത്രകനെന്ന് കരുതിയിരുന്ന ലളിത് ഝായെ മജിസ്‌ട്രേറ്റ് കോടതി 15 ദിവസത്തെ കസ്റ്റഡിയിൽവിട്ടിരുന്നു. അറസ്റ്റിലായവരെ മാനസികാരോഗ്യപരിശോധനയ്ക്ക് വിധേയരാക്കുമെന്നും പോലീസ് വ്യക്തമാക്കി. അറസ്റ്റിലായ

രാജ്യത്ത് 24 മണിക്കൂറിനിടെ 752 പേർക്കാണ് കോവിഡ് സ്ഥിരീകരിച്ചത്. നാലുപേർ മരിച്ചതായും കേന്ദ്ര ആരോഗ്യമന്ത്രാലയം അറിയിച്ചു. 2023 മേയ് 21-ന് ശേഷമുള്ള ഏറ്റവും ഉയർന്ന നിരക്കാണിത്. ഇതോടെ രാജ്യത്ത് ചികിത്സയിലുള്ളവരുടെ എണ്ണം 3420 ആയി. 325 പേർ രോഗമുക്തി നേടി. റിപ്പോർട്ട് ചെയ്യപ്പെട്ട നാലുമരണങ്ങളിൽ രണ്ടെണ്ണം കേരളത്തിലും മറ്റുള്ളത് കർണാടകയിലും രാജസ്ഥാനിലുമാണ്. രാജ്യത്തെ ഭൂരിഭാഗം കേസുകളും കേരളത്തിലാണ്. 266 പേർക്കുകൂടി രോഗം സ്ഥിരീകരിച്ചതോടെ സംസ്ഥാനത്ത് ചികിത്സയിലുള്ളവരുടെ എണ്ണം 2782 ആയി.

യാത്രത്തിരക്ക് പരിഗണിച്ച് ക്രിസ്മസ്ദിനത്തിൽ ചെന്നൈയിൽനിന്ന് കോഴിക്കോട്ടേക്ക് വന്ദേഭാരത് എക്സ്പ്രസിന്റെ പ്രത്യേക സർവീസ് നടത്തും. രാവിലെ 4.30ന് ചെന്നൈ സെൻട്രലിൽനിന്ന് പുറപ്പെടുന്ന വണ്ടി (06041) വൈകീട്ട് 3.20-ന് കോഴിക്കോട്ടെത്തും. ചെന്നൈയിൽനിന്ന് കോഴിക്കോട്ടേക്ക് എ.സി. ചെയർകാറിന് 1530 രൂപയും എക്സിക്യുട്ടീവ് ചെയർകാറിന് 3080 രൂപയുമാണ് ടിക്കറ്റ് നിരക്ക്. പെരമ്പൂർ (രാവിലെ 4.43), കാട്പാടി (5.55), സേലം (8.25), ഈറോഡ് (9.20), തിരുപ്പൂർ (10.08), പോത്തന്നൂർ (11.16), പാലക്കാട് (12.05), ഷൊർണൂർ (ഉച്ചയ്ക്ക് ഒന്ന്

പാർട്ടിപ്രകടനം താരതമ്യേന ശക്തിയാർജിക്കേണ്ട 160 ലോക്‌സഭാ മണ്ഡലങ്ങളിൽ ബി.ജെ.പി.ഉടൻ സ്ഥാനാർഥികളെ പ്രഖ്യാപിക്കും. 2019-ലെ തിരഞ്ഞെടുപ്പിൽ നേരിയ ഭൂരിപക്ഷത്തിൽ ജയിക്കുകയോ നേരിയ വോട്ടുകൾക്ക് തോൽക്കുകയോ ചെയ്ത മണ്ഡലങ്ങളിലാണ് സ്ഥാനാർഥികളെ നേരത്തേ പ്രഖ്യാപിക്കുന്നത്.ഡൽഹിയിൽ ചേർന്ന ബി.ജെ.പി. ദേശീയ ഭാരവാഹി യോഗത്തിലാണ് തീരുമാനം. സ്ഥാനാർഥികൾക്ക് മണ്ഡലത്തിൽ ജനബന്ധം ശക്തമാക്കുന്നതിനും പ്രചാരണം വിപുലീകരിക്കുന്നതിനും ഈ നീക്കം സഹായകമാകുമെന്ന് ദേശീയ നേതൃത്വം വിലയിരുത്തുന്നു. ലോക്‌സഭാ തിരഞ്ഞെടുപ്പിൽ സ്വീകരിക്കേണ്ട തന്ത്രങ്ങൾ മെനയാനാണ് ബി.ജെ.പി.രണ്ടു ദിവസത്തെ ദേശീയ ഭാരവാഹികളുടെ യോഗം