Category : Kottayam

കോട്ടയം: ഒറ്റപ്പെട്ട ശക്തമായ മഴയ്ക്കു സാധ്യതയുള്ളതിനാൽ *വ്യാഴം, വെള്ളി (ഓഗസ്റ്റ് 29,30) ദിവസങ്ങളിൽ കോട്ടയം ജില്ലയിൽ കേന്ദ്ര കാലാവസ്ഥാവകുപ്പ് മഞ്ഞ അലെർട്ട് പ്രഖ്യാപിച്ചതായി ജില്ലാ കളക്ടർ ജോൺ വി. സാമുവൽ അറിയിച്ചു. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അർത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.

കോട്ടയം: പാറമ്പുഴ പെരിങ്ങള്ളൂർ മഹാദേവക്ഷേത്രത്തിൽ ചിങ്ങമാസ ആയില്യം പൂജ സെപ്റ്റംബർ ഒന്നാം തീയതി ഞായറാഴ്ച്ച രാവിലെ 10 മണിക്ക് ക്ഷേത്രം മേൽശാന്തി പാമ്പാടി സുനിൽശാന്തിയുടെ മുഖ്യകാർമ്മികത്വത്തിൽ നടക്കും. ചടങ്ങുകൾക്ക് സബ് ഗ്രൂപ്പ് ഓഫീസ് അനീഷ്, എം.ജി.ശ്യാംകുമാർ, പി.കെ.വേണുകുമാർ, കെ.എൻ.ജ്യോതിലക്ഷി, ഉപദേശക സമതി പ്രസിഡൻ്റ് നിതുൽ, സെക്രട്ടറി പി.ആർ.മന്മഥൻ നായർ തുടങ്ങിയവർ നേതൃത്വം വഹിക്കും.

കോട്ടയം: അതിഥി തൊഴിലാളികളെ മലയാളം പഠിപ്പിക്കാൻ കുറവിലങ്ങാട് പഞ്ചായത്തിൽ നടപ്പാക്കിയ ചങ്ങാതി പദ്ധതിയുടെ മികവുത്സവത്തിൽ പരീക്ഷ എഴുതാൻ എത്തിയത് 428 പേർ. വിവിധ സംസ്ഥാനങ്ങളിൽ നിന്നെത്തിയ തൊഴിലാളികളെ മൂന്ന് മാസം കൊണ്ട് മലയാളം പഠിപ്പിക്കുകയായിരുന്നു ചങ്ങാതി പദ്ധതിയുടെ ലക്ഷ്യം. അസം, ഒഡീഷ, ഗുജറാത്ത്, മഹാരാഷ്ട്ര, ബീഹാർ സംസ്ഥാനങ്ങളിൽ നിന്നെത്തിയവരാണ് പഠിതാക്കളിൽ അധികവും. പദ്ധതിയിൽ രജിസ്റ്റർ ചെയ്ത് പഠനം നടത്തിയ 502 പേരിൽ 428 പേരാണു പരീക്ഷ എഴുതിയത്. പ്രത്യേകം തയ്യാറാക്കിയ

കോട്ടയം: നീണ്ടൂർ ഗ്രാമപഞ്ചായത്തിലെ കെ.സി. മാത്യുവിന് ഇനി സ്വന്തം വീട്ടിൽ അന്തിയുറങ്ങാം. ലൈഫ് വീടിന് എല്ലാ ആനുകൂല്യങ്ങളോടും കൂടിയ താൽക്കാലിക നമ്പർ നൽകാൻ തദ്ദേശഅദാലത്തിൽ മന്ത്രി എം.ബി. രാജേഷിന്റെ ഉത്തരവ്. ലൈഫ് പദ്ധതിയിൽ ലഭിച്ച വീട് പണി പൂർത്തിയായിട്ടും നമ്പർ ലഭിച്ചില്ലെന്ന പരാതിയുമായാണ് കെ.സി. മാത്യു തദ്ദേശ അദാലത്തിൽ എത്തിയത്. വീടിന് മുൻപിലെ റോഡിൽ നിന്നുള്ള അകലം 30 സെന്റിമീറ്റർ കുറവാണ് എന്ന കാരണം ചൂണ്ടിക്കാട്ടിയാണ് ഒക്യുപൻസി നിഷേധിച്ചിരുന്നത്. ലൈഫ്

കോട്ടയം: ലക്ഷം വീടുകളിൽ താമസിക്കുന്നവർക്കുള്ള പുതുക്കിയ പട്ടയം നൽകുന്ന വിഷയത്തിൽ മേലുകാവ് ഗ്രാമപഞ്ചായത്ത് പന്ത്രണ്ടാം വാർഡിലെ ലക്ഷം വീട് നിവാസികളുടെ അർഹത പരിശോധിച്ച് പഞ്ചായത്ത് ഭരണസമിതി റവന്യൂ വകുപ്പിനെ അറിയിക്കാൻ തദ്ദേശസ്വയംഭരണ-എക്‌സൈസ് വകുപ്പ് മന്ത്രി എം.ബി. രാജേഷ് നിർദേശിച്ചു. 25 വർഷമായി താമസിച്ചുവരുന്ന ലക്ഷം വീട് നിവാസികളായ 19 കുടുംബങ്ങൾക്ക് ഭൂമിയും വീടും കൈമാറി നൽകണമെന്നാവശ്യപ്പെട്ട് മേലുകാവ് പഞ്ചായത്ത് ആരോഗ്യ സ്ഥിരംസമിതി അധ്യക്ഷൻ കെ.ആർ. അനുരാഗാണ് തദ്ദേശഅദാലത്തിൽ അപേക്ഷ നൽകിയത്.

കോട്ടയം: കോട്ടയം ജില്ലാ തദ്ദേശ അദാലത്തിൽ 426 അപേക്ഷകൾ തീർപ്പാക്കിയതായി തദ്ദേശ സ്വയംഭരണ-എക്സൈസ്-പാർലമെന്ററി കാര്യ വകുപ്പുമന്ത്രി എം.ബി. രാജേഷും സഹകരണ-തുറമുഖം -ദേവസ്വം വകുപ്പു മന്ത്രി വി.എൻ. വാസവനും പത്രസമ്മേളനത്തിൽ അറിയിച്ചു. ഓൺലൈനായി 457 എണ്ണവും അദാലത്ത് ദിവസം 243 എണ്ണവുമടക്കം ആകെ 700 പരാതികളാണ് ലഭിച്ചത്. മുൻകൂറായി ലഭിച്ച അപേക്ഷകളിൽ 399 എണ്ണവും അദാലത്ത് നടന്ന ദിവസം ലഭിച്ച അപേക്ഷകളിൽ 27 എണ്ണവുമാണ് തീർപ്പാക്കിയത്. 426 അപേക്ഷകളിൽ 363 എണ്ണം

കോട്ടയം: പുതുപ്പള്ളിയിൽ സ്വർണം പൂജിക്കാമെന്ന പേരിൽ വീട്ടമ്മയെ കബളിപ്പിച്ചു 12 പവൻ തട്ടിയെടുത്ത യുവതി അറസ്റ്റിൽ.പാലാ സ്വദേശി ഷാജിത ഷെരീഫാണ് അറസ്റ്റിലായത്. കോട്ടയം ഈസ്റ്റ് പോലീസാണ് പിടികൂടിയത്. ജൂലായിലായിരുന്നു ഷാജിത പുതുപ്പള്ളി ഇരവിനെല്ലൂർ സ്വദേശിയായ വീട്ടമ്മയെ കബളിച്ച് സ്വർണം തട്ടിയെടുത്തത് . അതേസമയം ഷാജിതയോടൊപ്പo ആ സമയത്ത് കുറ്റകൃത്യത്തിൽ പങ്കാളിയായ കൂട്ടുപ്രതിയേയും പോലീസ് തിരിച്ചറിഞ്ഞിട്ടുണ്ട്.    

കോട്ടയം: പുതുപ്പള്ളി അർജുനൻ ചെരിഞ്ഞു .പാപ്പാലപ്പറമ്പിൽ പോത്തൻ വർഗീസിന്റെ ഉടമസ്ഥതയിലുള്ള ആനയാണ് അർജുനൻ . 40 വയസായിരുന്നു.അസം സ്വദേശിയാണ് അർജുൻ . മുഖ്യമായും ക്ഷേത്രങ്ങളിലെ എഴുന്നള്ളത്തിനും തടിപിടിക്കുന്നതിനും പോയിരുന്ന അർജുൻ ഒരാഴ്ചയായി കാലിന് വേദനയായി ചികിത്സയിലായിരുന്നു. തുടർന്ന് അർജുനെ ക്രെയിനുപയോഗിച്ച് ഉയർത്തി നോക്കിയെങ്കിലും കാലുറപ്പിച്ച് നിൽക്കാൻ കഴിയാത്ത അവസ്ഥയായിരുന്നു . അർജുനെ ഡോക്ടർമാർ മരുന്നുകൾ നൽകിയെങ്കിലും ആരോഗ്യസ്ഥിതി വീണ്ടും വഷളായി . വ്യാഴാഴ്ച വൈകീട്ട് അഞ്ചുമണിയോടെ അന്ത്യം . സംസ്കാരം