Author: Arya Suresh

  കോട്ടയം ∙ എംജി സർവകലാശാലയ്ക്കു കീഴിലെ കോളജുകളിൽ ഓണേഴ്സ് ബിരുദ പ്രവേശനത്തിനുള്ള എസ്‌സി, എസ്ടി രണ്ടാം പ്രത്യേക അലോട്മെന്റ് പ്രസിദ്ധീകരിച്ചു. 15നു വൈകിട്ട് 4ന് അകം കോളജുകളിൽ സ്ഥിരപ്രവേശനം നേടണം. പിജിക്കുള്ള എസ്‌സി, എസ്ടി ഒന്നാം പ്രത്യേക അലോട്മെന്റും പ്രസിദ്ധീകരിച്ചു. 17ന് അകം പ്രവേശനം നേടണം.എംജിക്കു കീഴിലെ ട്രെയ്നിങ് കോളജുകളിലേക്കുള്ള ബിഎഡ് രണ്ടാം അലോട്മെന്റും പ്രസിദ്ധീകരിച്ചു. 15ന് അകം ചേരണം.

  തിരുവനന്തപുരം ∙ പിജി ഡെന്റൽ കോഴ്സുകളിലേക്കു പ്രവേശനത്തിന് ഓൺലൈനായി അപേക്ഷിച്ചവർക്ക് പ്രൊഫൈൽ പരിശോധിക്കുന്നതിനും അപേക്ഷയിൽ ന്യൂനതകളുള്ള പക്ഷം പരിഹരിക്കാനും 15ന് 3 മണി വരെ വെബ്സൈറ്റിൽ അവസരമുണ്ട്. ആവശ്യമായ രേഖകൾ അപ്‌ലോഡ് ചെയ്യണം.സർട്ടിഫിക്കറ്റുകളോ അനുബന്ധ രേഖകളോ പ്രവേശന പരീക്ഷാ കമ്മിഷണറുടെ കാര്യാലയത്തിലേക്ക് അയയ്ക്കേണ്ടതില്ല. www.cee.kerala.gov.in , 04712525300

നെടുമ്പാശേരി : കൊച്ചി രാജ്യാന്തര വിമാനത്താവളത്തിലെ കൊച്ചിൻ ഇന്റർനാഷനൽ ഏവിയേഷൻ സർവീസസ് ലിമിറ്റഡ് (സിഐഎഎസ്എൽ) നടത്തുന്ന വിവിധ ഏവിയേഷൻ അനുബന്ധ കോഴ്സുകൾക്ക് കുസാറ്റ് അംഗീകാരം നൽകി. ഇതോടെ സിയാൽ അക്കാദമി കുസാറ്റിന്റെ അംഗീകൃത സ്ഥാപനമായി മാറി.

രണ്ടുവർഷത്തെ പഠനംകൊണ്ട് പ്രൈമറി അധ്യാപകരാകാൻ അവസരമൊരുക്കുന്ന ഡിപ്ലോമ ഇൻ എലമെന്ററി എഡ്യൂക്കേഷൻ (ഡിഎൽഎഡ്) പ്രോഗ്രാമിന് ജൂലൈ 18 വരെ അപേക്ഷിക്കാം. നേരത്തെ ടിടിസി എന്നും പിന്നീട് ഡിഎഡ് എന്ന പേരിലും അറിയപ്പെട്ടിരുന്ന അധ്യാപക യോഗ്യതാ കോഴ്സാണിത്‌. കേരളത്തിലെ സർക്കാർ/എയ്ഡഡ്/ സ്വാശ്രയം എന്നീ മേഖലകളിലുള്ള 202 ടീച്ചേർസ് ട്രെയിനിംഗ് ഇൻസ്റ്റിറ്റ്യൂട്ടുകളിലേക്കാണ് ഇപ്പോൾ പ്രവേശനം. യോഗ്യത ഹയർ സെക്കൻഡറി/ തത്തുല്യ പരീക്ഷ 50 ശതമാനം മാർക്കോടെ ജയിച്ചിരിക്കണം. പിന്നാക്ക വിഭാഗത്തിന് 45ശതമാനവും പട്ടിക