Author: Sandhya

 മണിപ്പുരിൽ സമാധാന ഉടമ്പടി ലംഘിച്ച് യുണൈറ്റഡ് നാഷണൽ ലിബറേഷൻ ഫ്രണ്ട് (യു.എൻ.എൽ.എഫ്.) അക്രമം അഴിച്ചുവിടുന്നതായി അധികൃതർ. നവംബർ 29-നാണ് പാംപൈയുടെ നേതൃത്വത്തിലുള്ള മണിപ്പുരിലെ ഏറ്റവും പഴക്കമുള്ള തീവ്രസംഘടനയായ യു.എൻ.എൽ.എഫ്. കേന്ദ്രസർക്കാരുമായി സമാധാനക്കരാറിലെത്തിയത്. മണിപ്പുരിൽ ആദ്യമായാണ് ഒരു നിരോധിത തീവ്രസംഘടന രാജ്യത്തിന്റെ ഭരണഘടന അംഗീകരിച്ച് സർക്കാരുമായി കരാറിലെത്തിയത്. എന്നാൽ, മെയ്ത്തി വിഭാഗങ്ങളോട് അനുഭാവം പുലർത്തുന്ന സംഘടനയിലെ അംഗങ്ങൾ കീഴടങ്ങുകയോ ആയുധങ്ങൾ കൈമാറുകയോ ചെയ്തിട്ടില്ലെന്നും അധികൃതർ വ്യക്തമാക്കി. കുക്കി വിഭാഗക്കാർ തിങ്ങിപ്പാർക്കുന്ന പ്രദേശങ്ങളോടുചേർന്ന്

വലിയ വാഹനങ്ങളുടെ ഭാരവും അളവും സംബന്ധിച്ച നിയമം നടപ്പാക്കുന്നത് മാറ്റിവെക്കാൻ യു.എ.ഇ. മന്ത്രിസഭ നിർദേശിച്ചു.തീരുമാനങ്ങളുടെ യുക്തിയെക്കുറിച്ച് സമഗ്രപഠനം നടത്താനും ഊർജ, അടിസ്ഥാനസൗകര്യ വികസനമന്ത്രാലയത്തോട് നിർദേശിച്ചിട്ടുണ്ട്. യു.എ.ഇ.യിൽ വലിയ വാഹനങ്ങൾക്കുവേണ്ട പരമാവധി ഭാരവും അളവും സംബന്ധിച്ച് പുതിയനിയമം കഴിഞ്ഞമാസമാണ് പ്രഖ്യാപിച്ചത്.വിപണിയിലെ അന്യായമായ വിലക്കയറ്റം തടയുന്നതിന് ആവശ്യമായ നടപടികൾ സ്വീകരിക്കാൻ സാമ്പത്തികമന്ത്രാലയത്തിനും നിർദേശം നൽകിയിട്ടുണ്ട്.

 ടൈമർ സംവിധാനമുള്ള ട്രാഫിക് സിഗ്നലുകളിൽ വാഹനത്തിന്റെ എൻജിനുകൾ പ്രവർത്തിപ്പിക്കരുതെന്ന് അജ്‌മാൻ മുനിസിപ്പാലിറ്റി പ്ലാനിങ് വകുപ്പ് അധികൃതർ പറഞ്ഞു. എൻജിനുകൾ ഓഫാക്കാൻ ഡ്രൈവർമാരെ പ്രോത്സാഹിപ്പിക്കാനായി ‘ബോധവത്കരണവും ആരംഭിച്ചിട്ടുണ്ട്. എമിറേറ്റിൽ ടൈമർ സംവിധാനമുള്ള ട്രാഫിക് സിഗ്നലുകളിൽ ചുവപ്പിൽനിന്ന് പച്ച ലൈറ്റിലേക്ക് മാറുന്നതിനിടയിൽ വാഹനങ്ങൾ വീണ്ടും പ്രവർത്തിപ്പിക്കാൻ മതിയായ സമയം ലഭിക്കുമെന്നതിനാലാണ് പുതിയതീരുമാനം. കാർബൺ പുറന്തള്ളൽ, പരിസ്ഥിതി മലിനീകരണം, ഇന്ധനം ഉപഭോഗം എന്നിവ കുറയ്ക്കുകയും പാരിസ്ഥിതിക ശുചിത്വം വർധിപ്പിക്കുകയുമാണ് പുതിയ സംരംഭത്തിലൂടെ ലക്ഷ്യമിടുന്നത്.

ഷാർജയിൽ സംഘടിപ്പിച്ച 13 – ാമത് ലൈറ്റ് ഫെസ്റ്റിവൽ ഞായറാഴ്ച സമാപിച്ചു. 12 ദിവസങ്ങളിലായി ഒരേസമയം എമിറേറ്റിലെ 12 കേന്ദ്രങ്ങളിലാണ് ലക്ഷക്കണക്കിന് ആളുകളെ ആകർഷിച്ചുകൊണ്ട് ലൈറ്റ് ഫെസ്റ്റിവൽ സംഘടിപ്പിച്ചത്. സുപ്രീം കൗൺസിൽ അംഗവും ഷാർജ ഭരണാധികാരിയുമായ ശൈഖ് ഡോ.സുൽത്താൻ ബിൻ മുഹമ്മദ് അൽ ഖാസിമിയുടെ രക്ഷാകർതൃത്വത്തിൽ ഷാർജ കൊമേഴ്‌സ് ആൻഡ് ടൂറിസം ഡിവലപ്മെന്റ് അതോറിറ്റിയാണ് ലൈറ്റ് ഫെസ്റ്റിവൽ വിജയകരമായി സംഘടിപ്പിച്ചത്. ഷാർജ പോലീസ് ആസ്ഥാനം, അൽ ഹംറിയ മാർക്കറ്റ്, കൽബ

ആഗോള മാന്ദ്യത്തിനിടയിലും കഴിഞ്ഞവർഷം എണ്ണയിതര വിദേശവ്യാപാരത്തിൽ മൂന്നരലക്ഷം കോടി ദിർഹമെന്ന ചരിത്രനേട്ടം കൈവരിച്ച് യു.എ.ഇ. ഓരോപ്രഭാതവും രാജ്യത്ത് പുത്തൻ നേട്ടങ്ങൾ കൊണ്ടുവരുമെന്ന് യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ്‌ ബിൻ റാഷിദ് അൽ മക്തൂം നേട്ടംപങ്കുവച്ചുകൊണ്ട് സാമൂഹിക മാധ്യമമായ എക്സിൽ കുറിച്ചു. ഞങ്ങളുടെ എണ്ണയിതര വിദേശചരക്കുകളുടെയും സേവനങ്ങളുടെയും വ്യാപാരനേട്ടം സുപ്രധാന നാഴികക്കല്ലാണ്. രാജ്യത്തിന്റെ സാമ്പത്തിക ചരിത്രത്തിലെ ഏറ്റവും ഉയർന്ന നേട്ടമാണിത്. റെക്കോഡുകൾ ഭേദിക്കുന്ന ഒരു സാമ്പത്തിക

യുദ്ധബാധിതർക്ക് ആശ്വാസമെത്തിക്കാനായി 4500 ടൺ ദുരിതാശ്വാസ സാമഗ്രികളുമായി യു.എ.ഇ.യുടെ രണ്ടാമത്തെ സഹായകപ്പൽ ഈജിപ്തിലെ അൽ അരീഷ് തുറമുഖത്തെത്തി. 4,303 ടൺ ഭക്ഷണം, 154 ടൺ പാർപ്പിട സാമഗ്രികൾ, 87 ടൺ ആരോഗ്യ കിറ്റുകൾ എന്നിവയുമായി ഈ മാസം മൂന്നിനാണ് ഫുജൈറ തുറമുഖത്തുനിന്ന് കപ്പൽ പുറപ്പെട്ടത്. ഖലീഫ ബിൻ സായിദ് അൽ നഹ്യാൻ ഫൗണ്ടേഷൻ, സായിദ് ബിൻ സുൽത്താൻ അൽ നഹ്യാൻ ചാരിറ്റബിൾ ആൻഡ് ഹ്യുമാനിറ്റേറിയൻ ഫൗണ്ടേഷൻ, എമിറേറ്റ്സ് റെഡ് ക്രസന്റ്

പൊതുഗതാഗതരംഗത്ത് വിപ്ലവംസൃഷ്ടിച്ച ദുബായ് മെട്രോയിലെ നീലലൈൻ നിർമാണം ഈവർഷം ആരംഭിക്കുമെന്ന് ദുബായ് റോഡ്‌സ് ആൻഡ് ട്രാൻസ്പോർട്ട് അതോറിറ്റി (ആർ.ടി.എ.) ചെയർമാൻ മത്തർ അൽ തായർ പറഞ്ഞു. നിലവിലെ ചുവപ്പ്, പച്ച ലൈനുകളുമായി പുതിയലൈൻ യോജിപ്പിക്കും. എമിറേറ്റിലെ പ്രധാനപ്രദേശങ്ങളെ ബന്ധിപ്പിക്കുന്ന മൂന്ന് ഇന്റർചേഞ്ചുകൾ ഉൾപ്പടെ 14 സ്റ്റേഷനുകൾ നീല ലൈനിലുണ്ടാകും. 1800 കോടി ദിർഹംചെലവിൽ 30 കിലോമീറ്റർ നീളത്തിലാണ് പുതിയലൈൻ നിർമിക്കുക. പാതയുടെ 15.5 കിലോമീറ്റർ ഭൂമിക്കടിയിലും 14.5 കിലോമീറ്റർ ഉപരിതലത്തിലുമായിരിക്കും.