ഉയർന്ന ഇന്ധന വില;കുവൈത്ത് സർവീസ് അവസാനിപ്പിച്ച് 14 വിമാനക്കമ്പനികൾ

കുവൈത്തിൽ ഉയർന്ന ഇന്ധന വിലയും യാത്രക്കാരുടെ കുറവും കടുത്ത മത്സരവും മൂലം 14 രാജ്യാന്തര വിമാന കമ്പനികൾ കുവൈത്തിലേക്കുള്ള സർവീസ് നിർത്തിവച്ചു. 60 വർഷത്തിലേറെ കാലം കുവൈത്തിലേക്കു സർവീസ് നടത്തിയിരുന്ന ബ്രിട്ടിഷ് എയർവെയ്സിന് പുറമെ ലുഫ്താൻസ, കെഎൽഎം തുടങ്ങി 14 വിമാന കമ്പനികളാണ് സമീപ കാലങ്ങളിലായി കുവൈത്ത് സർവീസ് നിർത്തിവച്ചത്.

കുവൈത്ത് രാജ്യാന്തര വിമാനത്താവളത്തിലെ അടിസ്ഥാന സൗകര്യങ്ങളുടെയും യാത്രക്കാർക്കുള്ള സേവനങ്ങളുടെയും പോരായ്മയും സേവനം നിർത്താൻ വിമാന കമ്പനികളെ പ്രേരിപ്പിച്ചിട്ടുണ്ട്. ഇതെല്ലാം യാത്രക്കാരുടെ എണ്ണത്തെ ബാധിച്ചു. 2023ൽ 1.56 കോടി യാത്രക്കാർ എത്തിയിരുന്നത് 2024ൽ 1.54 കോടിയായി കുറഞ്ഞു