Author: Sandhya

ലഹരിക്കെതിരെ ശിക്ഷകൾ കടുപ്പിക്കാനൊരുങ്ങി സൗദി.മെത്താംഫെറ്റമിനുമായി ബന്ധപ്പെട്ട എല്ലാത്തരം പ്രവർത്തനങ്ങളും ഇടപാടുകളും വലിയ കുറ്റകൃത്യങ്ങളുടെ ഗണത്തിൽപ്പെടുത്തി തടവ് ശിക്ഷ ഉൾപ്പെടെ കനത്ത ശിക്ഷ നൽകാൻ സൗദി അറ്റോർണി ജനറൽ ഷെയ്‌ഖ് സൗദ് അൽ മുജിബ് അംഗീകാരം നൽകി. ലഹരിക്കെതിരെ കനത്ത നടപടികൾ സ്വീകരിക്കുന്നതിനുള്ള ദേശീയ ശ്രമങ്ങളുടെ ഭാഗമായാണ് മെത്താംഫെറ്റമിനുമായി ബന്ധപ്പെട്ട എല്ലാ പ്രവർത്തനങ്ങളും വലിയ കുറ്റകൃത്യങ്ങളുടെ വിഭാഗത്തിൽ ഉൾപ്പെടുത്തി തടവ് ശിക്ഷ നൽകാനുമുള്ള തീരുമാനത്തിന് അറ്റോർണി ജനറൽ അംഗീകാരം നൽകിയത്.

കുവൈത്തിൽ പള്ളികളിൽ രാഷ്ട്രീയ പരാമർശങ്ങൾക്ക് വിലക്ക് . വ്യക്തികൾക്കും സ്ഥാപനങ്ങൾക്കും രാജ്യങ്ങൾക്കുമെതിരെ ഇമാമുമാർ അഭിപ്രായ പ്രകടനം നടത്തരുതെന്നും ഇസ്‌ലാമികകാര്യ മന്ത്രാലയത്തിലെ മസ്ജിദ് വിഭാഗം അസിസ്റ്റന്റ് അണ്ടർ സെക്രട്ടറി ബദർ അൽ ഒതൈബി പറഞ്ഞു. പണ്ഡിതരുൾപ്പെടെ പുറത്തുനിന്നുള്ള ആരും പള്ളിയിൽ പ്രസംഗിക്കാനോ മതഗ്രന്ഥങ്ങളും ലഘുലേഖകളും വിതരണം ചെയ്യാനോ പാടില്ല. അനധികൃത പണപ്പിരിവും അനുവദിക്കില്ല. പള്ളിയിൽ അനുമതിയില്ലാതെ അറ്റകുറ്റപ്പണിയോ ഭേദഗതികളോ ചെയ്യരുത്.  

സൗദിയിൽ തെരുവ് കച്ചവടക്കാരെ ശാക്തീകരിക്കുന്നതിനുള്ള പദ്ധതിക്ക് തുടക്കമായി.‘ബസ്ത ഖൈർ’ എന്ന് പേരിട്ടിട്ടുള്ള പദ്ധതിയിലൂടെ എല്ലാ പ്രദേശങ്ങളിലെയും തെരുവ് കച്ചവടക്കാരുടെ വികസനത്തിന് പിന്തുണ നൽകുകയാണ് മുനിസിപ്പൽ ഭവന മന്ത്രാലയം ലക്ഷ്യമിടുന്നത്. റമസാൻ അവസാനം വരെ തുടരുന്ന ഈ സംരംഭം വിവിധ മേഖലകളിലുടനീളമുള്ള 600ലധികം തെരുവ് കച്ചവടക്കാരെ പിന്തുണയ്ക്കുകയാണ് ലക്ഷ്യമെന്ന് മന്ത്രാലയത്തിൽ ഈ വിഭാഗത്തിന്റെ ചുമതലയുള്ള രാജകുമാരി നൊജൂദ് ബിൻത് ഹസ്ലുൽ ബിൻ അബ്ദുൽ അസീസ് പറഞ്ഞു.

സൗദി അറേബ്യയിലേക്ക് തൊഴിലാളികളെ അയയ്ക്കുന്നത് പുനരാരംഭിക്കാനൊരുങ്ങി ഇന്തൊനീഷ്യ. ഇരു രാജ്യങ്ങളും തമ്മിലുള്ള ധാരണാപത്രം പ്രകാരം ഇന്തൊനീഷ്യൻ തൊഴിലാളികൾക്ക് 6 ലക്ഷം തൊഴിലവസരങ്ങൾ നൽകും. കരാർ ഉടൻ ഒപ്പുവെച്ചാൽ, 2025 ജൂണോടെ ഇന്തൊനീഷ്യ തൊഴിലാളികളെ സൗദി അറേബ്യയിലേക്ക് അയയ്ക്കുന്നത് പുനരാരംഭിക്കാൻ കഴിയും. തൊഴിലാളി അവകാശങ്ങളുടെ സംരക്ഷണം ശക്തിപ്പെടുത്തുന്നതിനുള്ള ഗ്യാരന്റികൾ ലഭിച്ച ശേഷം, ഇന്തൊനീഷ്യൻ തൊഴിലാളികളെ രാജ്യത്തേക്ക് വിന്യസിക്കുന്നതിനുള്ള 10 വർഷത്തെ വിലക്ക് അവസാനിപ്പിച്ചാണ് ഇന്തൊനീഷ്യയുമായി സൗദി ധാരണാപത്രത്തിൽ ഒപ്പുവയ്ക്കുക. ഇരു രാജ്യങ്ങളിലെയും

കുവൈത്തിൽ തുടർച്ചയായി ആറ് മാസം പ്രവർത്തിക്കാത്ത വാണിജ്യ ലൈസൻസുകൾ റദ്ദാക്കുന്നതിനുള്ള ഒരു വ്യവസ്ഥ ചേർക്കാൻ വാണിജ്യ വ്യവസായ മന്ത്രാലയം പദ്ധതിയിടുന്നതായി പ്രാദേശിക റിപ്പോർട്ടുകൾ സൂചിപ്പിക്കുന്നു. തുടക്കം മുതൽ ഉപയോഗത്തിലില്ലാത്തതോ ഒരു ജോലിയിലും ഏർപ്പെട്ടിട്ടില്ലാത്തതോ ആയ ധാരാളം ലൈസൻസുകൾ പരിഗണിച്ചതിന് ശേഷം ഈ നിയമം കർശനമായി നടപ്പിലാക്കുമെന്ന് സ്രോതസ്സുകൾ സൂചിപ്പിച്ചു. റിപ്പോർട്ട് അനുസരിച്ച്, നിലവിലുള്ള കമ്പനി നിയമത്തിൽ ഈ ആർട്ടിക്കിൾ അനുസരിച്ച് തുടർച്ചയായി ആറ് മാസത്തേക്ക് പ്രവർത്തനം നടത്തിയില്ലെങ്കിൽ ലൈസൻസ് റദ്ദാക്കുമെന്ന്