Author: Sandhya

റമസാനിൽ ഭക്ഷ്യസുരക്ഷ ഉറപ്പാക്കുന്നതിനായി അധികൃതർ ഫുജൈറയിലെ റസ്റ്ററന്റുകളിൽ പരിശോധനകൾ ശക്തമാക്കി. അതേസമയം, റോഡ് സുരക്ഷ വർധിപ്പിക്കുന്നതിനായി പള്ളികൾക്ക് ചുറ്റും പൊലീസ് പട്രോളിങ്ങും വർധിപ്പിച്ചിട്ടുണ്ട്. ഫുജൈറ മുനിസിപ്പാലിറ്റി 687 പരിശോധനകൾ ഇതിനകം നടത്തിയിട്ടുണ്ട്. കർശനമായ നിയന്ത്രണങ്ങൾ പാലിക്കുന്നതിൽ മാത്രമല്ല, ഭക്ഷ്യ വിലകൾ, ലേബലിങ്, ആരോഗ്യ നിയമങ്ങൾ പാലിക്കൽ എന്നിവയിലും ഇൻസ്പെക്ടർമാർ ശ്രദ്ധ കേന്ദ്രീകരിച്ചതായി ഫുജൈറ മുനിസിപ്പാലിറ്റി ഡയറക്ടർ ജനറൽ ഹസ്സൻ സാലിം അൽ യമഹി പറഞ്ഞു.

സൗദിയിൽ നിരോധിത മേഖലയിൽ മീൻ പിടിച്ച നാലു പേരെ സൗദി കോസ്റ്റ് ഗാർഡ് ഉദ്യോഗസ്ഥർ അറസ്റ്റ് ചെയ്തു. ജിസാൻ ബെയ്ഷ് സെക്ടറിലെ കോസ്റ്റ് ഗാർഡ് ഉദ്യോഗസ്ഥർ പെട്രോളിങ് നടത്തുന്നതിനിടയിലാണ് സമുദ്ര മേഖലയിലെ നിരോധിത പ്രദേശത്ത് മീൻ പിടുത്തം നടത്തിയ ഈജിപ്ഷ്യൻ പൗരന്മാരായ നാലുപേരെ കഴിഞ്ഞദിവസം കസ്റ്റഡിയിലെടുത്തത്. നിരോധിത പ്രദേശത്ത് മത്സ്യബന്ധനം നടത്തുക, പെർമിറ്റ് സൈറ്റുകൾ ലംഘിക്കുക, പിടിക്കാൻ പാടില്ലാത്ത മത്സ്യം വേട്ടയാടുക എന്നീ കുറ്റങ്ങൾക്ക് കർശനമായ നടപടികളാണ് അധികൃതർ നൽകുന്നത്.

ഇ.വി ചാർജിങ് സ്റ്റേഷനുകൾക്ക് ഏപ്രിൽ മുതൽ ദീവ ലൈസൻസ് നിർബന്ധമാക്കി ദുബായ്.സൗജന്യ ഇവി ചാർജിങ് സേവനങ്ങൾ വാഗ്ദാനം ചെയ്യുന്ന സിപിഒകൾ, പണം ഈടാക്കി സേവനം നൽകുന്ന സിപിഒകൾ എന്നീ രണ്ട് തരം ലൈസൻസുകളിൽ ഏതെങ്കിലും ഒരെണ്ണം നിർബന്ധമാണ്. സേവനം വാഗ്ദാനം ചെയ്യുന്ന എല്ലാ വ്യക്തികളും സ്ഥാപനങ്ങളും നിയമം പാലിക്കണമെന്നും അല്ലാത്തവർക്കെതിരെ നടപടിയെടുക്കുമെന്നും മുന്നറിയിപ്പുണ്ട്. ഇതിനകം സൗജന്യ സേവനങ്ങൾ നൽകുന്നവർക്ക് 31 വരെ തുടരാമെങ്കിലും കാലപരിധിക്കകം നടപടി പൂർത്തിയാക്കി ലൈസൻസ് എടുക്കണമെന്നും

സൗദിയിൽ ആരോഗ്യ പരിരക്ഷയുള്ളവർക്ക് സർക്കാർ ആശുപത്രികളിലും ഇനി ചികിത്സ ഉറപ്പാക്കും.ഈ വര്‍ഷം ജൂലൈ ഒന്നു മുതലായിരിക്കും പദ്ധതി പ്രാബല്യത്തിൽ വരിക. ഇതിനായി കൗൺസിൽ ഓഫ് ഹെൽത്ത് ഇൻഷുറൻസ് നടപടികൾ തുടങ്ങി. മികച്ച ചികിത്സ എല്ലാവർക്കും ലഭ്യമാക്കുന്നതിന് വേണ്ടിയാണ് പദ്ധതി ആരംഭിക്കുന്നത്. നിലവിൽ സൗദിയിലെ മുഴുവൻ ആളുകൾക്കും ഹെൽത്ത് ഇൻഷുറൻസ് നിർബന്ധമാണ്. സർക്കാർ ആശുപത്രികളിൽ കൂടി ഇൻഷുറൻസ് സംവിധാനം ഉപയോഗിക്കാൻ സാധിക്കുന്നത് മെച്ചപ്പെട്ട ചികിത്സ എല്ലാവർക്കും ലഭ്യമാകുന്നതിന് സഹായിക്കുമെന്നാണ് വിലയിരുത്തൽ.

കുവൈത്തിൽ സബ്‌സിഡി നിരക്കിലുള്ള ഭക്ഷ്യവസ്തുക്കൾ നിയവിരുദ്ധമായി വില്‍പ്പന നടത്തിയ കേസില്‍ പ്രവാസി പിടിയിൽ. മുത്‌ലയിൽ ഭക്ഷ്യവസ്തുക്കൾ വിൽക്കുന്ന ഒരു ഏഷ്യക്കാരനെയും നിർമ്മാണ സാമഗ്രികൾ മോഷ്ടിക്കുന്ന സംഘത്തെയുമാണ് ക്രിമിനൽ ഇൻവെസ്റ്റിഗേഷൻ ജനറൽ ഡിപ്പാർട്ട്‌മെന്‍റ് അറസ്റ്റ് ചെയ്തത്. ക്രിമിനൽ സെക്യൂരിറ്റി സെക്ടറിന്റെ കുറ്റകൃത്യങ്ങളെ ചെറുക്കുന്നതിനും നിയമലംഘകരെ പിടികൂടുന്നതിനുമുള്ള തുടർച്ചയായ ശ്രമങ്ങളുടെ ഭാഗമായി ഫർവാനിയ, ജഹ്‌റ ഗവർണറേറ്റുകളിലെ വകുപ്പുകൾ നടത്തിയ ശക്തമായ കാമ്പയിനുകളിലാണ് അറസ്റ്റുകൾ.