കുവൈത്തിൽ കടലിൽ വീണ കുട്ടിയെ രക്ഷപ്പെടുത്തി മറൈൻ റെസ്ക്യൂ ടീം

കുവൈത്ത് : കുവൈത്തിൽ കടലിൽ വീണ കുട്ടിയെ രക്ഷപ്പെടുത്തി മറൈൻ റെസ്ക്യൂ ടീം. സബാഹ് അൽ അഹ്മദ് ഷാലെയുടെ സമീപത്തുള്ള കടലിലാണ് കുട്ടി മുങ്ങി താഴ്ന്നത്. കഴിഞ്ഞദിവസം ഉച്ചയ്ക്കാണ് സംഭവം നടന്നത്.

റിപ്പോര്‍ട്ട് ലഭിച്ചയുടൻ അഗ്നിരക്ഷാ സേനയും മറൈൻ റെസ്ക്യൂ ടീമും സ്ഥലത്തെത്തി. കുട്ടിയെ വെള്ളത്തിൽ നിന്ന് രക്ഷപ്പെടുത്തി ഉടൻ തന്നെ അത്യാഹിത വിഭാഗം ഉദ്യോഗസ്ഥർ സ്ഥലത്തെത്തി കുട്ടിയെ പരിചരിച്ചു. കുട്ടിയുടെ നിലവിലെ അവസ്ഥയെക്കുറിച്ച് ഇതുവരെ വിവരങ്ങൾ പുറത്തുവിട്ടിട്ടില്ല.