മുല്ലപ്പെരിയാർ; നിരുത്തരവാദപരമായ സമീപനമാണ് കേന്ദ്ര സർക്കാർ സ്വീകരിക്കുന്നതെന്ന് ഡീൻ കുര്യാക്കോസ് എംപി

മുല്ലപ്പെരിയാർ അണക്കെട്ടുമായി ബന്ധപ്പെട്ട ചുമതലകൾ ഡാം സുരക്ഷ അതോറിറ്റിയെ ഏൽപ്പിക്കുന്ന കാര്യത്തിൽ നിരുത്തരവാദപരമായ സമീപനമാണ് കേന്ദ്ര സർക്കാർ സ്വീകരിക്കുന്നതെന്ന് ഇടുക്കി എംപി ഡീൻ കുര്യാക്കോസ്. ലോക്‌സഭയിൽ ജല ശക്തി മന്ത്രാലയത്തിന്റെ ധനാഭ്യർത്ഥന ചർച്ചയിൽ പങ്കെടുത്തു സംസാരിക്കുകയായിരുന്നു എംപി.

2022 ഏപ്രിൽ 8 ന് സുപ്രീം കോടതി നിർദ്ദേശിച്ചതനുസരിച്ച് മേൽനോട്ട സമിതിയുടെ മുഴുവൻ ചുമതലകളും നിശ്ചിത കാലപരിധി കഴിഞ്ഞാൽ ഡാം സുരക്ഷ അതോറിറ്റി വഹിക്കേണ്ടതാണ്. ഇക്കാര്യത്തിൽ നിരുത്തരവാദപരമായ സമീപനമാണ് കേന്ദ്രം സ്വീകരിച്ചത്. പാർലമെന്റിൽ നൽകിയ മറുപടിയിൽ സുരക്ഷാ പരിശോധന ഡാം സുരക്ഷാ അതോറിറ്റിയുടെ ചുമതലയല്ലെന്ന് പറഞ്ഞത് നിർഭാഗ്യകരമാണ്.