ലോജിസ്റ്റിക് സേവന മേഖലയിൽ പുതിയ പരിഷ്കാരവുമായി ഖത്തർ

ലോജിസ്റ്റിക് സേവന മേഖലയിൽ പുതിയ പരിഷ്‌കാരവുമായി ഖത്തർ. കര, സമുദ്ര, വ്യോമ ചരക്ക് പ്രവർത്തനങ്ങൾക്ക് ഇനി മുതൽ ഒരു ലൈസൻസ് മതിയാകുമെന്ന് ഖത്തർ വാണിജ്യ വ്യവസായ മന്ത്രാലയവും ഗതാഗത മന്ത്രാലയവും അറിയിച്ചു.

നിലവിൽ ഓരോ മേഖലയിലെയും ചരക്ക് ഗതാഗത്തിന് വെവ്വേറെ ലൈസൻസ് ആവശ്യമായിരുന്നു. ഇനി മുതൽ ഒരു ലൈസൻസിൽ തന്നെ ലോജിസ്റ്റിക് കമ്പനികൾക്ക് കര, സമുദ്ര, വ്യോമ പ്രവർത്തനങ്ങൾ നടത്താം.ലോജിസ്റ്റിക്സ് മേഖലയിൽ പ്രവർത്തിക്കുന്ന കമ്പനികളുടെ നടപടിക്രമങ്ങൾ ലളിതമാക്കുക, ചെലവ് കുറയ്ക്കുക, ബിസിനസ് അന്തരീക്ഷം മെച്ചപ്പെടുത്തുക എന്നിവയാണ് ഈ മാറ്റത്തിലൂടെ ലക്ഷ്യം വയ്ക്കുന്നതെന്ന് ഖത്തർ വാണിജ്യ വ്യവസായ മന്ത്രാലയം സോഷ്യൽ മീഡിയയിലൂടെ അറിയിച്ചു.