ദുബായിൽ ആരോഗ്യ ഇൻഷുറൻസ് കമ്പനികളെ തീരുമാനിക്കുമ്പോൾ ജാഗ്രത പാലിക്കാൻ നിർദേശം

ദുബായിൽ ആരോഗ്യ ഇൻഷുറൻസ് കമ്പനികളെ തീരുമാനിക്കുമ്പോൾ ജാഗ്രത പാലിക്കാൻ നിർദേശം.ഇൻഷുറൻസ് കമ്പനികൾക്ക് യുഎഇ സെൻട്രൽ ബാങ്കിന്റെ അംഗീകാരമുണ്ടെന്ന് ഉറപ്പാക്കുകയാണ് ആദ്യം ചെയ്യേണ്ടത്. ആരോഗ്യ ഇൻഷുറൻസ് പാക്കേജുകൾ ലഭിച്ചാൽ രേഖകൾ സൂക്ഷ്മമായി പരിശോധിക്കണം. ഇടപാടുകാർ ആവശ്യപ്പെട്ടത് പ്രകാരമുള്ള ചികിത്സാ ആനുകൂല്യങ്ങൾ ഇൻഷുറൻസ് രേഖകളിൽ വ്യക്തമാക്കിയിട്ടുണ്ടോ എന്നാണ് നോക്കേണ്ടത്.

കുറഞ്ഞ നിരക്കിൽ പാക്കേജ് ലഭ്യമാക്കാമെന്ന് അവകാശപ്പെട്ട് ചില സേവനകേന്ദ്രങ്ങൾ ജനങ്ങളെ ആകർഷിക്കുന്നുണ്ട്. എന്നാൽ, അവയിൽ പലതും സേവനങ്ങൾ കൃത്യമായി നൽകാത്തവയാണെന്നും പണം മുടക്കിയാലും പ്രയോജനപ്പെടാൻ സാധ്യതയില്ലാത്ത ഇൻഷുറൻസുകളാണെന്നും എമിറേറ്റ്സ് യൂണിയൻ ഇൻഷുറൻസ് അറിയിച്ചു. 1,000 ദിർഹം മുതലുള്ള ഇൻഷുറൻസ് പാക്കേജുകളുടെ പരസ്യങ്ങൾ സമൂഹമാധ്യമങ്ങളിൽ വ്യാപകമാണ്.