കുണ്ടറ താലൂക്ക് ആശുപത്രിയിൽ കൂടുതൽ തസ്തികകൾ അനുവദിക്കും: മന്ത്രി വീണാ ജോർജ്ജ്

കൊല്ലം: കുണ്ടറ താലൂക്ക് ആശുപത്രിയിൽ ഡോക്ടർമാരുടേതടക്കം കൂടുതൽ തസ്തികകൾ അനുവദിക്കുമെന്നു മന്ത്രി വീണാ ജോർജ്ജ് നിയമസഭയിൽ പറഞ്ഞു. 76 കോടി കിഫ്ബി ഫണ്ടുപയോഗിച്ച് നിർമ്മിക്കുന്ന എട്ടുനില കെട്ടിടം ഉടൻ പൂർത്തിയാവും.

17 ഡോക്ടർമാരുടെയും 48 സ്ഥിരം ജീവനക്കാരുടെയും തസ്തികകളും 10 താത്കാലിക തസ്തികകളുമുണ്ട്. പുതിയ കെട്ടിടം വരുന്നതോടെ കൂടുതൽ തസ്തികകൾ വേണ്ടിവരുമെന്നും പി.സി. വിഷ്‌ണുനാഥിന്റെ സബ്മിഷന് മന്ത്രി മറുപടി നൽകി.