പുത്തൻ പതിപ്പ്; ടാറ്റ സിയറ ഉടൻ വിപണിയിൽ എത്തും !

ടാറ്റ സിയറ എസ്‌യുവി പ്രൊഡക്ഷൻ പതിപ്പ് ഉടൻ വിപണിയിൽ എത്തും. ഔദ്യോഗിക വരവിന് മുന്നോടിയായി, ഓട്ടോ എക്‌സ്‌പോയിൽ ഈ മോഡലിനെ കമ്പനി അവതരിപ്പിച്ചു. തുടർന്ന് നിരവധി സ്പൈ ചിത്രങ്ങളും വീഡിയോകളും പേറ്റന്‍റ് ചിത്രങ്ങളും പുറത്തുവന്നു. ഭാരത് മൊബിലിറ്റി ഷോയിൽ പ്രദർശിപ്പിച്ച മോഡലിൽ ട്രിപ്പിൾ സ്‌ക്രീൻ സജ്ജീകരണം ഉണ്ടെന്ന് റിപ്പോർട്ടുകൾ വന്നിരുന്നു. എന്നാൽ അത് പ്രൊഡക്ഷൻ പതിപ്പിൽ ലഭിക്കില്ല എന്നാണ് പുതിയ റിപ്പോർട്ടുകൾ.

സിയറയുടെ ഉയർന്ന വകഭേദങ്ങൾ ട്രിപ്പിൾ ഡിസ്‌പ്ലേകൾക്കൊപ്പം മാത്രമായി വാഗ്‍ദാനം ചെയ്യാൻ സാധ്യതയുണ്ട്. സ്റ്റിയറിംഗ് വീലിൽ വലതുവശത്ത് ഒരു പുഷ് സ്റ്റാർട്ട്/സ്റ്റോപ്പ് ബട്ടണും ഒരു റൊട്ടേറ്റർ നോബും ഉണ്ട്. ടാറ്റ സിയറയുടെ ഇന്റീരിയർ, ഫീച്ചർ ലിസ്റ്റ് എന്നിവ ഇതുവരെ കമ്പനി വെളിപ്പെടുത്തിയിട്ടില്ല. എങ്കിലും, ഇത് നിരവധി നൂതന ഫീച്ചറുകളാൽ നിറഞ്ഞതായിരിക്കുമെന്ന് പ്രതീക്ഷിക്കുന്നു.

ഇതിൽ രണ്ട് ഇന്ധന ഓപ്ഷനുകൾ ലഭ്യമാകും. ഔദ്യോഗിക വിവരങ്ങൾ സമീപഭാവിയിൽ വെളിപ്പെടുത്തുമെന്ന് പ്രതീക്ഷിക്കുന്നു. 1.5 ലിറ്റർ ടർബോ പെട്രോൾ, 1.5 ലിറ്റർ ഡീസൽ എഞ്ചിനുകൾക്കൊപ്പം ഇത് വാഗ്ദാനം ചെയ്യുമെന്ന് റിപ്പോർട്ടുകൾ സൂചിപ്പിക്കുന്നു. ഇത് യഥാക്രമം 170PS ഉം 188PS ഉം പവർ ഉത്പാദിപ്പിക്കുന്നു.

ഉയർന്ന വകഭേദങ്ങൾക്കായി 60kWh ഉൾപ്പെടെ ഒന്നിലധികം ബാറ്ററി പായ്ക്ക് ഓപ്ഷനുകളുമായി ടാറ്റ സിയറ ഇവി വരുമെന്ന് പ്രതീക്ഷിക്കുന്നു. എസ്‌യുവി ഏകദേശം 500 കിലോമീറ്റർ റേഞ്ച് വാഗ്ദാനം ചെയ്യാൻ സാധ്യതയുണ്ട്. താഴ്ന്ന വകഭേദങ്ങൾക്ക് സിംഗിൾ മോട്ടോർ സജ്ജീകരണം ലഭിച്ചേക്കാം എന്നാണ് റിപ്പോർട്ട്.