സ്ത്രീകളെ തട്ടിക്കൊണ്ട് പോയി വേശ്യാവൃത്തിക്ക് നിർബന്ധിച്ചു; പ്രതിക്ക് 15 വർഷത്തെ തടവ് വിധിച്ച് കോടതി

മനാമ: സ്ത്രീകളെ തട്ടിക്കൊണ്ട് പോയി വേശ്യാവൃത്തിക്ക് നിർബന്ധിച്ച പ്രതിക്ക് ശിക്ഷ വിധിച്ച് കോടതി. ഏഷ്യൻ പൗരനായ പ്രതിക്ക് 15 വർഷം തടവാണ് ശിക്ഷയായി ലഭിച്ചത്. ഒന്നിൽ കൂടുതൽ സ്ത്രീകളെ പ്രതി ബന്ദിയാക്കുകയും പീഡിപ്പിക്കുകയും അവരിൽ നിന്ന് പണം തട്ടുകയും ചെയ്തതായി അന്വേഷണത്തിൽ കണ്ടെത്തി. ഇതേത്തുടർന്നാണ് പ്രതിക്ക് കോടതി ശിക്ഷ വിധിച്ചത്. പ്രതി ഒരു ഏഷ്യൻ യുവതിയെ പ്രലോഭനത്തിൽ വീഴ്ത്തുകയും തട്ടിക്കൊണ്ട് പോയി ചൂഷണം ചെയ്യുകയും വേശ്യാവൃത്തിക്ക് നിർബന്ധിക്കുകയും ചെയ്തതിനാണ് തടവ് ശിക്ഷ ലഭിച്ചത്.

സ്ത്രീ​ക​ളെ ത​ട്ടി​ക്കൊ​ണ്ടുപോ​യതിനും, ചൂ​ഷ​ണം ചെയ്തതിനും, വേ​ശ്യാ​വൃ​ത്തി​ക്ക് നി​ർ​ബ​ന്ധി​ച്ചതിനുമാണ് പ്രതികൾക്കെതിരെ കോടതി നടപടി. മൂ​ന്നം​ഗ സം​ഘ​ത്തി​നാ​ണ് കോ​ട​തി ശി​ക്ഷ ന​ട​പ്പാ​ക്കി​യ​ത്. ര​ണ്ടാം പ്ര​തി​ക്ക് അ​ഞ്ചു​വ​ർ​ഷ​വും മൂ​ന്നാം പ്ര​തി​ക്ക് മൂ​ന്നു​വ​ർ​ഷ​വും 2000 ദീ​നാ​ർ പി​ഴ​യും കോ​ട​തി വി​ധി​ച്ചു. ശി​ക്ഷാ കാ​ലാ​വ​ധി​ അവസാനിച്ചാലുടൻ തന്നെ പ്രതികളെ നാടുകടത്തുകയും ചെയ്യും.