എയർലൈൻ നയങ്ങൾ ലംഘിച്ച ജീവനക്കാരെ പിരിച്ചുവിട്ടെന്ന വാർത്ത; വ്യക്തത വരുത്തി എമിറേറ്റ്സ് എയർലൈൻ

ദുബായ്: എയർലൈൻ നയങ്ങൾ ലംഘിച്ചെന്ന പേരിൽ ജീവനക്കാരെ പിരിച്ചു വിടുന്നെന്ന പ്രചാരണങ്ങൾ എമിറേറ്റ്സ് എയർലൈൻ തള്ളി. അതേസമയം പോളിസികൾ ലംഘിച്ചെന്ന് ആരോപിക്കപ്പെടുന്ന വീഡിയോയിൽ അന്വേഷണം നടക്കുന്നുണ്ടെന്ന് അധികൃതർ പറഞ്ഞു. പക്ഷെ ഒരു ജീവനക്കാരെയും പിരിച്ചു വിട്ടിട്ടില്ലെന്നും എമിറേറ്റ്സ് അധികൃതർ വ്യക്തമാക്കി.

അതേസമയം കഴിഞ്ഞ വർഷം മേയിലാണ് ആരോപണ വിധേയമായ വീഡിയോ എമിറേറ്റ്സ് എയർലൈനിന്റെ മുൻ ഫ്ലൈറ്റ് അറ്റൻഡന്റ് സാമൂഹിക മാധ്യമങ്ങളിൽ പങ്കുവെച്ചത്. ഷാങ്കായിലേക്കുള്ള യാത്രക്കിടെ `യാത്രക്കാരൻ എന്ന നിലയിൽ നിങ്ങൾ കാണാത്ത കാര്യങ്ങൾ’ എന്ന തലക്കെട്ടോടെയാണ് വീഡിയോ പങ്കുവെച്ചത്.

ഭക്ഷണം പാകം ചെയ്യുന്ന സ്ഥലങ്ങൾ, നിയന്ത്രണങ്ങൾ ഏർപ്പെടുത്തിയിട്ടുള്ള ഏരിയകൾ എന്നിവ വീഡിയോയിൽ കാണിച്ചിരുന്നു. ഇക്കാരണത്താൽ വീഡിയോയിൽ കാണിച്ചിട്ടുള്ള ആരെയും പിരിച്ചുവിട്ടിട്ടില്ലെന്നാണ് അധികൃതർ ഇപ്പോൾ സ്ഥിരീകരിച്ചിരിക്കുന്നത്.