നാഗമലയിൽ പുലി പശുവിനെ കടിച്ചുകൊന്നു

പുനലൂർ: തെന്മല പഞ്ചയായത്തിലെ ജനവാസ മേഖലയിൽ പുലി പശുവിനെ കടിച്ചുകൊന്നു.നാഗമല എസ്റ്റേറ്റിൽ താമസക്കാരനായ സോളമന്റെ വളർത്ത് പശുവിനെയാണ് പുലി കടിച്ചുകൊന്നത്. ഇന്നലെ പുലർച്ചെ മൂന്നിനായിരുന്നു സംഭവം ഉണ്ടായത്.

രാവിലെ വീടിന് പുറത്തിറങ്ങിയ ഉടമയാണ് പശുവിനെ പുലി കടിച്ചുകൊന്ന നിലയിൽ കണ്ടത്. വന്യമൃഗ ശല്യം രൂക്ഷമായ നാഗമലയിൽ രണ്ടുമാസം മുമ്പ് ഇറങ്ങിയ പുലി പ്രദേശവാസികളായ രാജുവിന്റെ പശുക്കളെയും തങ്കവേലുവിന്റെ ഒരു പശുവിനെയും രണ്ട് പശുക്കിടാവിനെയും കടിച്ചുകൊന്നിരുന്നു.