വനത്തിൽ ആനയുടെ അസ്ഥികൂടം ; പോസ്റ്റുമോർട്ട നടപടികൾ പൂർത്തിയാക്കി

കല്ലടിക്കോട് : മൂന്നേക്കർ കരിമല ആറ്റിലയ്ക്ക് സമീപം സ്വകാര്യതോട്ടത്തോടു ചേർന്നുള്ള വനത്തിൽ ആനയുടെ കൊമ്പും അസ്ഥികൂടവും കണ്ടെത്തിയ സംഭവത്തിൽ പോസ്റ്റുമോർട്ടനടപടികൾ പൂർത്തിയാക്കി.

ചരിഞ്ഞ കൊമ്പന് 20 വയസ്സ് പ്രായമുണ്ടായിരുന്നെന്നും അസ്വാഭാവികമായി ഒന്നും കണ്ടെത്താനായില്ലെന്നും ഉദ്യോഗസ്ഥർ അറിയിച്ചു.തുടർന്ന് അസ്ഥികൂടം വനത്തിൽ സംസ്കരിച്ചു. കൊമ്പുകൾ വനംവകുപ്പിന്റെ കസ്റ്റഡിയിലേക്ക് മാറ്റി.