ജയസൂര്യയും വിനായകനും ഒന്നിക്കുന്നു; പുതിയ സിനിമ പ്രഖ്യാപിച്ചു

ജയസൂര്യയും വിനായകനും പ്രധാന വേഷങ്ങളിലെത്തുന്ന പുതിയ സിനിമ പ്രഖ്യാപിച്ചു. പ്രിന്‍സ് ജോയ് സംവിധാനം ചെയ്യുന്ന ചിത്രമാണിത്. ജെയിംസ് സെബാസ്റ്റ്യന്‍ തിരക്കഥ ഒരുക്കുന്ന സിനിമയുടെ സഹ നിര്‍മ്മാണം മിഥുന്‍ മാനുവല്‍ തോമസാണ് നിര്‍വഹിക്കുന്നത്. സിനിമയുടെ ചിത്രീകരണം ഉടന്‍ ആരംഭിക്കുമെന്ന് മിഥുന്‍ മാനുവല്‍ തോമസ് സോഷ്യല്‍ മീഡിയയിലൂടെ അറിയിച്ചു.

‘അനുഗ്രഹീതന്‍ ആന്റണിക്ക് ശേഷം പ്രിയപ്പെട്ട പ്രിന്‍സ് സംവിധാനം ചെയ്യുന്ന സിനിമ.. പ്രധാന വേഷങ്ങളില്‍ ഏറ്റവും പ്രിയപ്പെട്ട ജയേട്ടനും വിനായകന്‍ ചേട്ടനും. നിര്‍മ്മാണം ഞാനും എന്റെ സുഹൃത്തുക്കളും ചേര്‍ന്ന്..! പ്രിയപ്പെട്ടവന്‍ ജെയിംസ് എഴുതുന്നത് ഇരട്ടി സന്തോഷം,’ എന്ന് മിഥുന്‍ മാനുവല്‍ തോമസ് കുറിച്ചു.