ബ​യോ​മെ​ട്രി​ക് വി​വ​ര​ങ്ങ​ൾ രജിസ്റ്റർ ചെയ്യാതെ വിദേശികൾ; യാത്രമടങ്ങും

കു​വൈ​ത്ത് സി​റ്റി: ഒ​ന്ന​ര ല​ക്ഷ​ത്തി​ല​ധി​കം വി​ദേ​ശി​ക​ൾ ബ​യോ​മെ​ട്രി​ക് വി​വ​ര​ങ്ങ​ൾ ര​ജി​സ്റ്റ​ർ ചെയ്തിട്ടില്ലെന്ന് കുവൈറ്റ് അധികൃതർ. 16000 കു​വൈ​ത്തി​ക​ളും ഇതുവരെ ബ​യോ​മെ​ട്രി​ക് ര​ജി​സ്ട്രേ​ഷ​ൻ ന​ട​ത്തി​യി​ട്ടി​ല്ലെ​ന്ന് അ​ധി​കൃ​ത​ർ വ്യ​ക്ത​മാ​ക്കി. ക​ണ്ണ്, വി​ര​ല​ട​യാ​ളം ര​ജി​സ്റ്റ​ർ ചെ​യ്യാ​ത്ത​വ​ർ​ക്ക് വി​ദേ​ശ​യാ​ത്ര ന​ട​ത്താ​ൻ ക​ഴി​യി​ല്ലെ​ന്ന് കു​വൈ​ത്ത് അ​ധി​കൃ​ത​ർ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.

ആ​റ് ഗ​വ​ർ​ണ​റേ​റ്റി​ലും ബ​യോ​മെ​ട്രി​ക് ര​ജി​സ്ട്രേ​ഷ​ന് വേണ്ടി നി​ശ്ചി​ത കേ​ന്ദ്ര​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട്.
മെ​റ്റ പ്ലാ​റ്റ്‌​ഫോം, സ​ഹ​ൽ ആ​പ്ലി​ക്കേ​ഷ​ൻ എ​ന്നി​വ​യി​ൽ അ​പ്പോ​യി​ൻ​മെ​ന്റ് ബു​ക്ക് ചെ​യ്താ​ണ് ബ​യോ​മെ​ട്രി​ക് ന​ട​പ​ടി​ക​ൾ​ക്ക് അതത് സെ​ന്റ​റു​ക​ളി​ൽ എ​ത്തേ​ണ്ട​ത്. കു​വൈ​ത്തി​ലു​ള്ള​വ​രും രാ​ജ്യ​ത്തേ​ക്ക് വ​രു​ന്ന​വ​രു​മാ​യ എ​ല്ലാ​വ​രു​മാ​യും ബ​ന്ധ​പ്പെ​ട്ട സു​ര​ക്ഷി​ത​മാ​യ ഇ​ല​ക്ട്രോ​ണി​ക് ഇ​ൻ​ഫ​ർ​മേ​ഷ​ൻ ബാ​ങ്ക് സ്ഥാ​പി​ക്കാ​നും വ്യാ​ജ രേ​ഖ ഉ​പ​യോ​ഗി​ച്ച് രാ​ജ്യ​ത്തെ​ത്തു​ന്ന​ത് ത​ട​യാ​നു​മാ​ണ് ബ​യോ​മെ​ട്രി​ക് ര​ജി​സ്ട്രേ​ഷ​ൻ നി​ർ​ബ​ന്ധ​മാ​ക്കി​യ​ത്.
കൂടാതെ കു​റ്റ​കൃ​ത്യ​ങ്ങ​ളി​ൽ ഏ​ർ​പ്പെ​ടു​ന്ന​വ​രെ ക​ണ്ടെ​ത്താ​നും ഇ​ത് ഉ​പ​ക​രി​ക്കും.

സ​ന്ദ​ർ​ശ​ക വി​സ​യി​ൽ എ​ത്തു​ന്ന​വ​ർ​ക്ക് വി​മാ​ന​ത്താ​വ​ള​ത്തി​ൽ തന്നെ ര​ജി​സ്ട്രേ​ഷ​ൻ ന​ട​ത്തു​ന്നു​ണ്ട്. നേ​ര​ത്തെ സ​ന്ദ​ർ​ശ​ക വി​സ​യി​ൽ കു​​വൈ​ത്തി​ലെ​ത്തി​യ ചി​ല​ർ​ക്ക് ബ​യോ​മെ​​ട്രി​ക് ര​ജി​സ്​​ട്രേ​ഷ​ൻ ന​ട​ത്താ​ത്ത​തി​ന്റെ പേ​രി​ൽ യാ​ത്ര മു​ട​ങ്ങി​യ സംഭവവും ഉണ്ടായിട്ടുണ്ട്. കാ​ലാ​വ​ധി ക​ഴി​ഞ്ഞും ബ​യോ​മെ​ട്രി​ക് ചെ​യ്യാ​ത്ത​വ​രു​ടെ സ​ര്‍ക്കാ​ര്‍-​ബാ​ങ്ക് സേ​വ​ന​ങ്ങ​ള്‍ ത​ട​സ്സ​പ്പെ​ടാ​നി​ട​യുണ്ടെന്ന് അധികൃതർ അറിയിച്ചു.