ബൈക്കും സ്കൂട്ടറും കൂട്ടിയിടിച്ച് അപകടം

കോഴഞ്ചേരി : പത്തനംതിട്ട നഗരത്തിൽ ടി.കെ. റോഡിൽ ബൈക്കും സ്കൂട്ടറും കൂട്ടിയിടിച്ച് അപകടം.പൊയ്യാനിൽ പ്ലാസയ്ക്കു മുന്നിൽ വെച്ചാണ് ബൈക്കും സ്കൂട്ടറും കൂട്ടിയിടിച്ച് രണ്ട് യുവാക്കൾക്ക് ഗുരുതര പരിക്കേറ്റത്.

ആങ്ങമൂഴി പരപ്പുഴ സജിൻ തോമസ് (22), കുറിയന്നൂർ തൈവച്ചതിൽ വീട്ടിൽ ആൻസൻ ഫിലിപ്പ് വർഗീസ് (29) എന്നിവർക്കാണ് പരിക്കേറ്റത്. ചൊവ്വാഴ്ച രാത്രി 12 മണിയോടെ ആയിരുന്നു അപകടം ഉണ്ടായത്. ഇരുവരെയും ഉടൻതന്നെ അടുത്തുള്ള സ്വകാര്യ ആശുപത്രിയിൽ എത്തിച്ചു.