വാഹനത്തിൽ നിന്ന്‌ ഇന്ധനം ചോർന്നു

കുളത്തൂപ്പുഴ : വാഹനങ്ങളിൽ നിന്നുള്ള ഇന്ധനം ചോർന്നൊഴുകി. ഇരുചക്രവാഹനങ്ങൾ അപകടത്തിൽപ്പെട്ടു. കുളത്തൂപ്പുഴ ചോഴിയക്കോട് ജങ്ഷനു സമീപത്തെ വളവിലാണ് വാഹനത്തിൽ നിന്നുള്ള ഇന്ധനം റോഡിലേക്ക് ചോർന്നൊഴുകിയത്.

റോഡിൽ ഓയിൽ കിടക്കുന്നതറിയാതെ എത്തിയ ചോഴിയക്കോട് സ്വദേശികളായ ഇരുചക്രവാഹന യാത്രികർ തെന്നിവീണതോടെയാണ് സംഭവം ആളുകളുടെ ശ്രദ്ധയിൽപെട്ടത്. ഇരുവരെയും ആശുപത്രിയിലെത്തിച്ച നാട്ടുകാർ വിവരം നൽകിയതിന്‍റെ അടിസ്ഥാനത്തിൽ കടയ്ക്കലിൽനിന്നെത്തിയ അഗ്നിരക്ഷാസേന ഇന്ധനം രാത്രിതന്നെ കഴുകി വൃത്തിയാക്കി.

തമിഴ്നാട്ടിൽ നിന്നു ചരക്കുമായെത്തുന്ന വാഹനങ്ങളിൽ നിന്ന്‌ ചെറിയ തോതിൽ ഇന്ധനം ചോരുന്നത് പതിവാണെന്നും എന്നാൽ കൂടിയ അളവിൽ വീണതാണ് അപകടത്തിനിടയാക്കിയത്.