സൗദിയിൽ ബീഹാർ സ്വദേശി ഹൃദയസ്തംഭനത്തെത്തുടർന്ന് മരിച്ചു

റിയാദ്:ബീഹാർ സ്വദേശി ഹൃദയാഘാത്തെത്തുടർന്ന് സൗദിയിൽ നിര്യാതനായി. ബീഹാർ സിവാൻ സ്വദേശി 57 കാരനായ അസീസുൽ റഹ്മാൻ ആണ് മരിച്ചത്. സൗദി കിഴക്കൻ പ്രവിശ്യയിലെ ജുബൈലിൽ ഒരു നിർമ്മാണക്കമ്പനിയിലെ തൊഴിലാളിയായിരുന്നു.

ഔദ്യോഗിക നടപടികൾ പൂർത്തിയാക്കിയ ശേഷം മുവാസാത്ത് ഹോസ്പിറ്റൽ മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിലേക്ക് കൊണ്ടുപോകുമെന്ന് നടപടികൾക്ക് നേതൃത്വം നൽകുന്ന പ്രവാസി വെൽഫെയർ ജുബൈൽ ജനസേവന വിഭാഗം കൺവീനർ സലിം ആലപ്പുഴ അറിയിച്ചു. പിതാവ്: മഞ്ചൂർ ആലം, മാതാവ്: നജ്‌മ ഖാത്തൂൻ, ഭാര്യ: ഷാകില ഖാത്തൂൻ.