സംസ്ഥാനത്തിന്റെ പുതിയ ഗവർണർ അർലേക്കറുടെ സത്യപ്രതിജ്ഞ ഇന്ന്

തിരുവനന്തപുരം: രാജേന്ദ്ര വിശ്വനാഥ് അർലേകർ ഇന്നു കേരള ഗവർണറായി ചുമതലയേൽക്കും. രാവിലെ 10.30ന് രാജ്ഭവനിൽ നടക്കുന്ന ചടങ്ങിൽ ഹൈക്കോടതി ചീഫ് ജസ്‌റ്റിസ്‌ നിതിൻ മധുകർ ജാംദാർ ഗവർണർക്കു സത്യവാചകം ചൊല്ലിക്കൊടുക്കും.

ഇന്നലെ എത്തിയ അർലേക്കറെ മുഖ്യമന്ത്രി പിണറായി വിജയൻ, സ്പീക്കർ എ.എൻ.ഷംസീർ, മന്ത്രിമാരായ കെ.രാജൻ, രാമചന്ദ്രൻ കടന്നപ്പള്ളി, വി. ശിവൻകുട്ടി, കെ.എൻ.ബാലഗോപാൽ, മേയർ ആര്യ രാജേന്ദ്രൻ, എംപിമാരായ ശശി തരൂർ, എ.എ.റഹീം, ആൻ്റണി രാജു എംഎൽഎ, ചീഫ് സെക്രട്ടറി ശാരദ മുരളീധരൻ തുടങ്ങിയവർ ചേർന്നു വിമാനത്താവളത്തിൽ സ്വീകരിച്ചു. അർലേക്കർക്കൊപ്പം ഭാര്യ അനഘ അർലേക്കറും ഉണ്ടായിരുന്നു.