ദോ​ഹ ഫി​ലിം ഫെ​സ്റ്റി​വ​ൽ ന​വം​ബ​ർ 20 മു​ത​ൽ

ഖ​ത്ത​റി​ന്റെ ച​ല​ച്ചി​ത്ര ഉ​ത്സ​വ​മാ​യ അ​ജ് യാ​ൽ ദോ​ഹ​യു​ടെ അ​ന്താ​രാ​ഷ്ട്ര ച​ല​ച്ചി​ത്ര​മേ​ള​​യാ​യി മാ​റു​ന്നു. 12 വ​ർ​ഷ​ത്തോ​ള​മാ​യി ഖ​ത്ത​റി​ലെ​യും മേ​ഖ​ല​യി​ലെ​യും ച​ല​ച്ചി​ത്ര പ്രേ​മി​ക​ൾ​ക്ക് ശ്ര​ദ്ധേ​യ​മാ​യ കാ​ഴ്ച​ക​ൾ സ​മ്മാ​നി​ച്ച അ​ജ് യാ​ൽ അ​ന്താ​രാ​ഷ്ട്ര ത​ല​ത്തി​ലെ പ്ര​മു​ഖ ചി​ത്ര​ങ്ങ​ളെ​യും ച​ല​ച്ചി​ത്ര പ്ര​വ​ർ​ത്ത​ക​രെ​യും ആ​ക​ർ​ഷി​പ്പി​ച്ചു​കൊ​ണ്ട് ഈ ​വ​ർ​ഷം മു​ത​ൽ ‘ദോ​ഹ ഫി​ലിം ഫെ​സ്റ്റി​വ​ൽ (ഡി.​എ​ഫ്.​എ​ഫ്)’ ആ​യി മാ​റും. ന​വം​ബ​ർ 20 മു​ത​ൽ 28 വ​രെ​യാ​ണ് പ്ര​ഥ​മ ച​ല​ച്ചി​ത്ര​മേ​ള​ക്ക് വേ​ദി​യൊ​രു​ക്കു​ന്ന​ത്. മൂ​ന്ന് ല​ക്ഷം ഡോ​ള​ർ (10.90 ല​ക്ഷം റി​യാ​ൽ) വ​രെ സ​മ്മാ​ന​ത്തു​ക​യും ഏ​ർ​പ്പെ​ടു​ത്തും.

ക​ഴി​ഞ്ഞ വ​ർ​ഷാ​വ​സാ​നം ന​ട​ന്ന അ​ജ് യാ​ൽ മേ​ള​യി​ൽ​ത​ന്നെ ഈ ​വ​ർ​ഷ​ത്തോ​ടെ മേ​ള​യു​ടെ രൂ​പം മാ​റി, അ​ന്താ​രാ​ഷ്ട്ര ത​ല​ത്തി​ലെ ച​ല​ച്ചി​ത്ര​ങ്ങ​ളെ കൂ​ടു​ത​ലാ​യി ആ​ക​ർ​ഷി​ക്കു​മെ​ന്ന് ദോ​ഹ ഫി​ലിം ഇ​ൻ​സ്റ്റി​റ്റ്യൂ​ട്ട് സി.​ഇ.​ഒ ഫാ​തി​മ ഹ​സ​ൻ അ​ൽ റു​മൈ​ഹി സൂ​ച​ന​ക​ൾ ന​ൽ​കി​യി​രു​ന്നു.

കാ​നി​ൽ ന​ട​ക്കു​ന്ന ച​ല​ച്ചി​ത്ര മേ​ള​യു​ടെ വേ​ദി​യി​ൽ ഇ​തു​സം​ബ​ന്ധി​ച്ച് കൂ​ടു​ത​ൽ പ്ര​ഖ്യാ​പ​ന​ങ്ങ​ളും അ​വ​ർ ന​ട​ത്തി. മേ​ഖ​ല​യി​ലെ പ്ര​മു​ഖ​മാ​യ അ​ന്താ​രാ​ഷ്ട്ര മേ​ള​ക​ളു​ടെ തീ​യ​തി​യു​മാ​യി ചേ​ർ​ന്നു​ത​ന്നെ​യാ​ണ് ദോ​ഹ ഫി​ലിം ഫെ​സ്റ്റും ഷെ​ഡ്യൂ​ൾ ചെ​യ്യു​ന്ന​ത്. നി​ല​വി​ൽ അ​റ​ബ് ലോ​ക​ത്തെ പ്ര​മു​ഖ മേ​ള​ക​ളാ​യ കൈ​റോ ഫെ​സ്റ്റ് ന​വം​ബ​ർ 12 മു​ത​ൽ 21 വ​രെ​യും മ​റാ​കേ​ഷ് ഫെ​സ്റ്റ് ന​വം​ബ​ർ 28 മു​ത​ൽ ഡി​സം​ബ​ർ ആ​റ് വ​രെ​യും, സൗ​ദി​യി​ലെ റെ​ഡ് സീ ​ഫെ​സ്റ്റ് ഡി​സം​ബ​ർ നാ​ല് മു​ത​ൽ 13 വ​രെ​യു​മാ​ണ്. ഇ​തി​നി​ട​യി​ലാ​യി ന​വം​ബ​ർ 20 മു​ത​ൽ 28 വ​രെ​യാ​ണ് ദോ​ഹ ഫി​ലിം ഫെ​സ്റ്റി​വ​ൽ.