സൂപ്പര്‍ ക്ലോറിനേഷന്‍ 24 ന് നടത്തും

ആലപ്പുഴ നഗരസഭ പരിധിയില്‍ വരുന്ന കേരള ജല അതോറിറ്റിയുടെ തത്തംപള്ളി, വടിക്കാട് പമ്പ് ഹൗസുകളിലും മണ്ണഞ്ചേരി പഞ്ചായത്തിലെ തമ്പകച്ചുവട്,  വലിയവീട് പമ്പ് ഹൗസുകളിലും, മാരാരിക്കുളം തെക്ക് പഞ്ചായത്തിന്റെ കീഴിലുള്ള പാട്ടുകളം, ഹോംകോ പമ്പ് ഹൗസുകളിലും മേയ് 24 ന്  സൂപ്പര്‍ ക്ലോറിനേഷന്‍ പ്രവൃത്തികള്‍ നടക്കും. അതിനാൽ നഗരസഭയിലെ ജില്ലാ കോടതി, തത്തംപള്ളി, കരളകം, നെഹ്‌റുട്രോഫി, പുന്നമട, കൊറ്റംകുളങ്ങര, കറുകയില്‍, വടിക്കാട്, കൈനകരി വാര്‍ഡ് -ഒന്ന് എന്നി വാര്‍ഡുകളിലെയും മണ്ണഞ്ചേരി  പഞ്ചായത്തിലെയും മാരാരിക്കുളം തെക്ക് പഞ്ചായത്തിന്റെ ഏഴു മുതല്‍ 17 വരെയുള്ള വാര്‍ഡുകളിലെയും, ആര്യാട് 15,16,17 വാര്‍ഡുകള്‍ വരുന്ന പ്രദേശങ്ങളിലെയും ജനങ്ങള്‍ മേയ് 24 തീയതിയില്‍ കുടിവെള്ളം ഉപയോഗിക്കാന്‍ പാടില്ലെന്ന് ജല അതോറിറ്റി അസി. എഞ്ചിനീയര്‍ അറിയിച്ചു.