വിമാനത്താവളത്തിൽ ഹാഷിഷ് കടത്താൻ ശ്രമിച്ച പ്രവാസി പിടിയിൽ

കുവൈത്ത്: കുവൈത്ത് അന്താരാഷ്ട്ര വിമാനത്താവളത്തിൽ ഹാഷിഷ് കടത്താൻ ശ്രമിച്ച പ്രവാസി പിടിയിലായി. ഇയാളുടെ അസ്വസ്ഥമായ പെരുമാറ്റം വിമാനത്താവളത്തിലെ കസ്റ്റംസ് ഉദ്യോഗസ്ഥരുടെ ശ്രദ്ധയില്‍പ്പെടുകയായിരുന്നു. തുടർന്ന് ആശയക്കുഴപ്പത്തിലായി കാണപ്പെടുകയും ചുറ്റും പരിഭ്രാന്തനായി നോക്കുകയും ചെയ്യുന്നത് കണ്ടതോടെ ഇൻസ്പെക്ടർ ഇയാളെ ഒരു സ്വകാര്യ പരിശോധനാ മുറിയിലേക്ക് കൊണ്ടുപോയി ‍പരിശോധന നടത്തുകയും ലഗേജ് വിശദമായി പരിശോധിക്കുകയും ചെയ്തു.

പരിശോധനയ്ക്കിടെ ഉദ്യോഗസ്ഥർ അയാളുടെ വസ്ത്രങ്ങൾക്കിടയിൽ ഒളിപ്പിച്ച രണ്ട് കഷ്ണം ഹാഷിഷ് കണ്ടെത്തി. ഹാഷിഷ് സുഹൃത്തുക്കൾക്ക് സമ്മാനമായി നൽകാനുള്ളതായിരുന്നുവെന്ന് പ്രതി പറഞ്ഞതായി റിപ്പോർട്ടുകൾ സൂചിപ്പിക്കുന്നു