ആനക്കൊമ്പ് കൈയ്യിലേന്തി പെപ്പെ; ‘കാട്ടാള’ന്റെ പുതിയ പോസ്റ്റര്‍ എത്തി

ആന്റണി വര്‍ഗീസ് പെപ്പെ നായകനാകുന്ന പുതിയ ചിത്രമാണ് ‘കാട്ടാളന്‍’. ക്യൂബ്‌സ് എന്റര്‍ടൈന്‍മെന്റ്‌സിന്റെ ബാനറില്‍ ഷരീഫ് മുഹമ്മദ് നിര്‍മ്മിക്കുന്ന ചിത്രത്തിന്റെ പുതിയ പോസ്റ്റര്‍ പുറത്തിറങ്ങി. മനുഷ്യനും കാട്ടാനയും തമ്മിലുള്ള ശക്തമായ ഒരു സംഘട്ടനത്തെയാണ് പോസ്റ്റര്‍ സൂചിപ്പിക്കുന്നത്. ഒരു വലിയ സ്‌കെയില്‍ പാന്‍ ഇന്ത്യന്‍ ലെവല്‍ ആക്ഷന്‍ ത്രില്ലര്‍ മാസ്സ് ചിത്രമായിരിക്കാം ഇത്. നവാഗതനായ പോള്‍ ജോര്‍ജ്ജ് ആണ് സിനിമ സംവിധാനം ചെയ്യുന്നത്. പെപ്പെയുടെ യഥാര്‍ത്ഥ പേരായ ‘ആന്റണി വര്‍ഗ്ഗീസ്’ എന്നതാണ് ചിത്രത്തില്‍ കഥാപാത്രത്തിന്റെയും പേര്.

കഴിഞ്ഞ ആഴ്ച നിര്‍മ്മാതാവ് ഷെരീഫ് മുഹമ്മദിന്റെ ഇന്‍സ്റ്റഗ്രാം സ്റ്റോറിയില്‍ ഒരു ആനക്കൊമ്പിന്റെ ചിത്രത്തിനൊപ്പം ‘കാട്ടാളന്‍’ പ്രീപൊഡക്ഷന്‍ വര്‍ക്കുകള്‍ തുടങ്ങുന്നു എന്ന് പ്രഖ്യാപിച്ചിരുന്നു. ചിത്രത്തിന്റെ ഷൂട്ടിംഗ് ഉടന്‍ ആരംഭിക്കും. മലയാളത്തില്‍ നിന്നും മറ്റ് ഭാഷകളില്‍ നിന്നുമായി പ്രഗത്ഭരായ സാങ്കേതിക വിഭാഗം ഈ ചിത്രത്തിനായി ഒരുങ്ങുന്നുണ്ടെന്നാണ് അനൗദ്യോഗിക റിപ്പോര്‍ട്ടുകള്‍. എന്തായാലും അടുത്ത അപ്‌ഡേറ്റഡിന് വേണ്ടി ആകാംക്ഷയോടെ കാത്തിരിക്കുകയാണ് പ്രേക്ഷകര്‍. മാര്‍ക്കറ്റിംഗ് ആന്‍ഡ് പ്രൊമോഷന്‍സ്: ഒബ്‌സ്‌ക്യൂറ എന്റര്‍ടൈന്‍മെന്റ്‌സ്, പി ആര്‍ ഒ: ആതിര ദില്‍ജിത്ത്.