നീറ്റ് യു.ജി 2025; അഡ്മിറ്റ് കാർഡ് ഡൗൺലോഡ് ചെയ്യാം

ഡൽഹി: ദേശീയ മെഡിക്കൽ പ്രവേശന പരീക്ഷയായ നീറ്റ് യു.ജി 2025 അഡ്മിറ്റ് കാർഡ് വെബ്സൈറ്റിൽ നിന്ന് ഡൗൺലോഡ് ചെയ്യാം. മെയ് നാലിനാണ് പരീക്ഷ. അപേക്ഷ നമ്പറും ജനന തീയതിയും നൽകി https://neet.nta.nic.in/ എന്ന വെബ്സൈറ്റിൽ നിന്ന് അഡ്മിറ്റ് കാര്‍ഡ് ഡൗണ്‍ലോഡ് ചെയ്യാം. രാജ്യത്തുടനീളമുള്ള സര്‍ക്കാര്‍, സ്വകാര്യ സ്ഥാപനങ്ങളിലെ ബിരുദ മെഡിക്കല്‍ (എം.ബി.ബി.എസ്), ഡെന്റല്‍ (ബി.ഡി.എസ്), ആയുഷ് കോഴ്സുകളിലേക്കുള്ള പ്രവേശന പരീക്ഷയാണിത്.

അഡ്മിറ്റ് കാര്‍ഡും ഫോട്ടോ പതിപ്പിച്ച ഐഡി കാര്‍ഡും രണ്ട് പാസ്പോര്‍ട്ട് സൈസ് ഫോട്ടോയും വിദ്യാര്‍ഥികൾ കൈയില്‍ കരുതണം. അഡ്മിറ്റ് കാര്‍ഡില്‍ എന്തെങ്കിലും തെറ്റുകൾ ഉണ്ടെങ്കില്‍ തിരുത്തലിനായി നാഷണല്‍ ടെസ്റ്റിങ് ഏജന്‍സിയുടെ ഹെല്‍പ്പ് ലൈനില്‍ റിപ്പോര്‍ട്ട് ചെയ്യാം.

സം​സ്ഥാ​ന​ത്താ​കെ 16 സി​റ്റി കേ​ന്ദ്ര​ങ്ങ​ൾ​ക്ക്​ കീ​ഴി​ലാ​യി 362 പ​രീ​ക്ഷ കേ​ന്ദ്ര​ങ്ങ​ളാ​ണു​ള്ള​ത്. 1.28 ല​ക്ഷം വി​ദ്യാ​ർ​ഥി​ക​ളാ​ണ്​ കേ​ര​ള​ത്തി​ൽ നീ​റ്റ്​ പ​രീ​ക്ഷ​ക്കാ​യി ര​ജി​സ്റ്റ​ർ ചെ​യ്​​ത​ത്. ഉ​ച്ച​ക്കു​ശേ​ഷം ര​ണ്ടു മു​ത​ൽ അ​ഞ്ചു​ മ​ണി​വ​രെ​യാ​ണ്​ പ​രീ​ക്ഷ. ജൂ​ൺ 14ന​കം ഫ​ലം പ്ര​സി​ദ്ധീ​ക​രി​ക്കും.