നത്തിങ് സിഎംഎഫ് ഫോൺ 2 പ്രോ ഏപ്രിൽ 28ന് ഇന്ത്യയിൽ ലോഞ്ച് ചെയ്യും

നത്തിങ് സിഎംഎഫ് ഫോൺ 2 പ്രോ ഏപ്രിൽ 28ന് ഇന്ത്യയിൽ ലോഞ്ച് ചെയ്യും.സിഎംഎഫിന്റെ ആദ്യ മോഡലായ CMF ഫോൺ 1 ന്റെ പിൻഗാമിയായിട്ടാണ് ഈ പ്രോ മോഡലിന്റെ വരവ്. സിഎംഎഫ് ഫോൺ 2 പ്രോ ആണ് വരുന്നത് എന്നതിനാൽ ഇതിന്റെ സ്റ്റാന്റേർഡ് മോഡലും പിന്നാലെ എത്തും എന്ന് പ്രതീക്ഷിക്കാം. എന്നാൽ ഇക്കാര്യത്തിൽ കമ്പനി ഇപ്പോൾ കാര്യമായി ഒന്നും വെളിപ്പെടുത്തിയിട്ടില്ല.

നിലവിൽ സ്ഥിരീകരിച്ചിട്ടുള്ളത് സിഎംഎഫ് ഫോൺ 2 പ്രോ ലോഞ്ച് ചെയ്യും എന്നത് മാത്രമാണ്. ഇന്ത്യയിൽ 20000 രൂപയിൽ താഴെ വിലയിലാകും ഈ പ്രോ ഫോൺ എത്തുക എന്നാണ് ലീക്ക് റിപ്പോർട്ടുകൾ പറയുന്നത്. കാരണം നത്തിങ് അ‌ടുത്തിടെ തങ്ങളുടെ 3എ സീരീസ് അ‌വതരിപ്പിച്ചിരുന്നു. അ‌ത് 22999 രൂപ പ്രാരംഭ വിലയിലാണ് എത്തിയത്.

നത്തിങ് 3എ സീരീസിനെക്കാൾ കുറഞ്ഞ വിലയിലും എന്നാൽ സിഎംഎഫ് ഫോൺ 1നെക്കാൾ കൂടിയ വിലയിലും ആണ് സിഎംഎഫ് 2 പ്രോ എത്തുക എന്നാണ് റിപ്പോർട്ടുകൾ പറയുന്നത്. സിഎംഎഫ് ഫോൺ 1 ഇന്ത്യയിൽ ലോഞ്ച് ചെയ്തത് 15999 രൂപ വിലയിലാണ്. അ‌തിനാൽ 20000 രൂപയ്ക്കുള്ളിലാകും സിഎംഎഫ് 2 പ്രോ എത്തുക .ലോഞ്ച് തിയതി പുറത്തുവിട്ടെങ്കിലും സിഎംഎഫ് ഫോൺ 2 പ്രോ സ്മാർട്ട്ഫോണിന്റെ ഫീച്ചറുകൾ നത്തിങ് പുറത്തുവിട്ടിട്ടില്ല.