ഗാലക്‌സി എസ് 24 സീരീസില്‍ വണ്‍ യുഐ 7 അപ്‌ഡേറ്റ് അവതരിപ്പിച്ച് സാംസങ്

ആന്‍ഡ്രോയിഡ് അടിസ്ഥാനമാക്കിയുള്ള വിപണിയിലുള്ള ഏറ്റവും മികച്ച യൂസര്‍ ഇന്റര്‍ഫെയ്‌സുകളില്‍ ഒന്നാണ് സാംസങിന്റെ വണ്‍ യുഐ 7. ഗാലക്‌സി എസ് 24, എസ് 24 പ്ലസ്, എസ് 24 അള്‍ട്ര എന്നീ സ്മാര്‍ട്‌ഫോണുകളില്‍ പുതിയ അപ്‌ഡേറ്റ് ലഭിക്കും. എസ് 24 പുറത്തിറങ്ങിയതിന് ശേഷമുള്ള ആദ്യ പ്രധാന ഒഎസ് അപ്‌ഡേറ്റുകൂടിയാണിത്. ഈ ഫോണുകളില്‍ ഏഴ് വര്‍ഷത്തെ ഒഎസ് അപ്‌ഡേറ്റാണ് കമ്പനി വാഗ്ദാനം ചെയ്യുന്നത്.

സ്‌നാപ്ഡ്രാഗണ്‍ 8 ജെന്‍ 3, എക്‌സിനോസ് 2400 ചിപ്പ്‌സെറ്റുകളില്‍ പ്രവര്‍ത്തിക്കുന്ന എസ്24 സീരീസ് ഫോണുകളിലെല്ലാം അപ്‌ഡേറ്റ് ലഭിക്കും. മാസങ്ങള്‍ക്ക് മുമ്പ് തന്നെ വണ്‍ യുഐ 7 ന്റെ ബീറ്റാ അപ്‌ഡേറ്റ് എസ് 24 സീരീസില്‍ ലഭ്യമാക്കിയിരുന്നു. വരും ദിവസങ്ങളില്‍ മറ്റ് പഴയ ഗാലക്‌സി എസ് സീരീസ് ഫോണുകള്‍, ഇസഡ് സീരീസ് ഫോണുകള്‍, എ സീരീസ്, എം സീരീസ് ഫോണുകള്‍ എന്നിവയിലും വണ്‍യുഐ 7 അപ്‌ഡേറ്റ് ലഭിക്കും.