പാക്കിസ്ഥാനെതിരായ ഏകദിന പരമ്പര തൂത്തുവാരി ന്യൂസിലൻഡിന് മിന്നും ജയം

പാക്കിസ്ഥാനെതിരായ ഏകദിന പരമ്പര തൂത്തുവാരി ന്യൂസിലൻഡിന് മിന്നും ജയം. മൂന്നാം ഏകദിനത്തിൽ പാക്കിസ്ഥാനെതിരെ 43 റൺസിന്റെ വിജയമാണ് ന്യൂസിലൻഡ് നേടിയത്. 42 ഓവറാക്കി ചുരുക്കിയ മത്സരത്തിൽ ആദ്യം ബാറ്റ് ചെയ്ത ന്യൂസിലൻഡ് എട്ട് വിക്കറ്റ് നഷ്ടത്തിൽ 264 റൺസെടുത്തു. മറുപടി ബാറ്റിങ്ങിൽ പാക്കിസ്ഥാൻ 40 ഓവറിൽ 221 റൺസിൽ ഓൾ ഔട്ടാവുകയായിരുന്നു.

ടോസ് നേടിയ പാക്കിസ്ഥാൻ ബൗളിങ് തിരഞ്ഞെടുക്കുകയായിരുന്നു. ന്യൂസിലൻഡ് മുൻനിരയിലെ മിക്ക താരങ്ങളും നല്ല രീതിയിൽ കളിച്ചു. റഹീസ് മരിയു(58 ), ഹെൻ‍റി നിക്കോളാസ് (31), ഡാരൽ മിച്ചൽ (43 ), ടിം സെയ്ഫേർട്ട് (26 ), ക്യാപ്റ്റൻ മൈക്കൽ ബ്രേസ്‍വെൽ (59 ) എന്നിങ്ങനെ സംഭാവന ചെയ്തു.