Your Image Description Your Image Description

കൊച്ചി: മാരക മയക്കുമരുന്നുമായി സംസ്ഥാനത്തെ രണ്ടിടങ്ങളിൽ നിന്നായി രണ്ട് പേർ പിടിയിൽ. കൊച്ചിയിൽ നിന്ന് ആസാം സ്വദേശിയേയും തൃശൂരിൽ നിന്ന് ഒഡീഷക്കാരനേയുമമാണ് എക്‌സൈസ് പിടികൂടിയത്. ഇവരുടെ പക്കലുണ്ടായിരുന്ന കഞ്ചാവും ഹെറോയിനും പിടിച്ചെടുത്തു.
എറണാകുളം കെഎസ്ആർടിസി ബസ് സ്റ്റാൻഡിന് സമീപത്ത് നിന്നും അസം സ്വദേശി ഷെറിഫുൾ ഹക്ക് (24 ) ആണ് അറസ്റ്റിലായത്. ഇയാളുടെ പക്കലുണ്ടായിരുന്ന 6.22 ഗ്രാം ഹെറോയിൻ ഉദ്യോഗസ്ഥർ പിടിച്ചെടുത്തു. ക്സൈസ് എൻഫോഴ്സ്മെന്‍റ് ആന്‍റ് ആന്‍റിനർകോട്ടിക് സ്പെഷ്യൽ സ്ക്വാഡ് സർക്കിൾ ഇൻസ്പെക്ടർ പി.ശ്രീരാജും സംഘവും ചേർന്ന് നടത്തിയ പരിശോധനയിലാണ് മയക്കുമരുന്ന് പിടികൂടിയത്.

രഹസ്യ വിവരത്തിന്‍റെ അടിസ്ഥാനത്തിൽ നടത്തിയ പരിശോധനയിൽ സംശയം തോന്നി ഷെറിഫുൾ ഹക്കിനെ എക്സൈസ് സംഘം പിടികൂടി. തുടർന്ന് നടത്തിയ പരിശോധനയിലാണ് ഹെറോയിൻ കണ്ടെത്തിയത്. പരിശോധനയിൽ അസിസ്റ്റന്റ് എകൈ്സസ് ഇൻസ്പെക്ടർ ഒ.എൻ.അജയകുമാർ, പ്രിവന്‍റീവ് ഓഫീസർ ജനീഷ് കുമാർ, പ്രിവന്‍റീവ് ഓഫീസർമാരായ ബസന്ത് കുമാർ.പി.എസ്,സുനിൽ.പി.എസ്, പ്രതീഷ്.ടി.എസ്, സിവിൽ എക്സൈസ് ഓഫീസർമാരായ ശ്രീജിത്ത്.എം.ടി, ജിജോ അശോക്, വനിത സിവിൽ എക്സൈസ് ഓഫീസർമാരായ ലത.എം, വിജി, സിവിൽ എക്സൈസ് ഓഫീസർ ഡ്രൈവർ അഫ്സൽ എന്നിവരും ഭാഗമായിരുന്നു.

ഒഡീഷ സ്വദേശിയായ യുവാവ് കുടുങ്ങിയത് തൃശ്ശൂർ റെയിൽവേ സ്റ്റേഷനിൽ നടത്തിയ പരിശോധനയിലാണ്. ഒഡീഷ ഖര സഹാപൂർ സ്വദേശിയായ സുരേഷ് ഖിലർ (20) എന്നയാളാണ് അറസ്റ്റിലായത്. ഇയാളുടെ പക്കലുണ്ടായിരുന്ന 5 കിലോഗ്രാമിലധികം വരുന്ന കഞ്ചാവ് എക്‌സൈസ് സംഘം പിടിച്ചെടുത്തു. തൃശ്ശൂർ എക്സൈസ് സ്പെഷ്യൽ സ്‌ക്വാഡ് സർക്കിൾ ഇൻസ്പെക്ടർ വി.ജെ.റോയിയും സംഘവും ചേർന്നാണ് പ്രതിയെ പിടികൂടിയത്. എക്‌സൈസ് ഇൻസ്‌പെക്ടർ എൻ.സുദർശനകുമാർ, അസിസ്റ്റന്റ് എക്സൈസ് ഇൻസ്‌പെക്ടർ (ഗ്രേഡ്) കെ.കെ.വത്സൻ, പ്രിവന്റീവ് ഓഫീസർ(ഗ്രേഡ്)മാരായ സുരേഷ് കുമാർ.വി.എസ്, അഫ്സൽ, സിവിൽ എക്സൈസ് ഓഫീസർ കണ്ണൻ, വനിത സിവിൽ എക്സൈസ് ഓഫീസർ ചിഞ്ചു എന്നിവരും പരിശോധന നടത്തിയ സംഘത്തിന്റെ ഭാഗമായിരുന്നു.

Leave a Reply

Your email address will not be published. Required fields are marked *