മൂന്ന് മാസത്തിനിടെ പൂട്ട് വീണത് ഏഴ് ഭക്ഷണശാലകൾക്ക്

അബുദാബി: കഴിഞ്ഞ മൂന്ന് മാസത്തിനിടെ അബുദാബിയിൽ അടച്ച് പൂട്ടിയത് ഏഴ് റെസ്റ്റോറന്റുകളെന്ന് റിപ്പോർട്ട്. അബുദാബി അഗ്രികള്‍ച്ചര്‍ ആന്‍ഡ് സേഫ്റ്റി അതോറിറ്റി നടത്തിയ പരിശോധനയുടെ ഭാഗമായാണ് ഭക്ഷ്യസുരക്ഷാ നിയമങ്ങൾ ലംഘിച്ച ഭക്ഷണശാലകൾക്ക് പൂട്ടുവീണത്.

ഹംദാൻ സ്ട്രീറ്റിൽ ഒരു റെസ്റ്ററന്‍റും ഒരു കഫേയും അടച്ചുപൂട്ടി. ഖാലിദിയയിലും മുസഫ വ്യവസായ മേഖലയിലും സൂപ്പർമാർക്കറ്റാണ് അടപ്പിച്ചത്. അജ്ബാന്‍ ഏരിയയിലെ ഒരു കോഴി ഫാമും ഷഹാമ പ്രദേശത്തെ ഒരു വാണിജ്യ സ്ഥാപനവും അബുദാബിയിലെ മുസഫ ഏരിയ 9ലെ ഒരു പലചരക്ക് കടയും അടച്ചുപൂട്ടി.

ഭക്ഷ്യസുരക്ഷാ മാനദണ്ഡങ്ങൾ പാലിക്കാത്തതിനാലും പൊതുജനാരോഗ്യത്തിന് ദോഷകരമാണെന്ന് കണ്ടെത്തിയതിനാലും അധികൃതര്‍ ഈ സ്ഥാപനങ്ങള്‍ക്ക് മുന്നറിയിപ്പ് നല്‍കിയിരുന്നു. എന്നാൽ മുന്നറിയിപ്പ് അവഗണിച്ചുകൊണ്ട് നിയമലംഘനം തുടര്‍ന്നതോടെയാണ് അടച്ചുപൂട്ടല്‍ നടപടിയിലേക്ക് കടന്നതെന്ന് അബുദാബി കൃഷി, ഭക്ഷ്യസുരക്ഷാ അതോറിറ്റി അറിയിച്ചു. നിയമലംഘനം നീക്കുന്നത് വരെ ഈ സ്ഥാപനങ്ങൾ അടച്ചിടും.

ഭക്ഷ്യോൽപന്നങ്ങൾ വേർതിരിച്ച് കൃത്യമായ ശീതീകരിച്ച് സൂക്ഷിക്കാതിരിക്കുക, , ഭക്ഷ്യയോഗ്യമായ വസ്തുക്കൾ മൂടിവയ്ക്കാദി സൂക്ഷിക്കുക, കീടങ്ങളുടെയും പ്രാണികളുടെയും സാന്നിധ്യം, വൃത്തിയില്ലാത്ത പരിസരത്ത് ഭക്ഷ്യവസ്തുക്കൾ ഉണ്ടാക്കുക, വിശദാംശങ്ങൾ നൽകാത്ത ൽപന്നങ്ങൾ പ്രദർശിപ്പിക്കുക തുടങ്ങിയ നിയമലംഘനത്തിനെതിരെയാണ് നടപടി. നിയമലംഘനം ശ്രദ്ധയിൽപെട്ടാൽ 800555 എന്ന നമ്പറിൽ വിവരം അറിയിക്കണമെന്നും അതോറിറ്റി അറിയിച്ചു.