പെരുന്നാൾ പിറവി കാണാൻ എഐ ഡ്രോണിനെ ഉപയോഗിച്ച ലോകത്തിലെ ആദ്യ രാജ്യമായി യുഎഇ

പെരുന്നാൾ പിറവി കാണാൻ എഐ ഡ്രോണിനെ ഉപയോഗിച്ച ലോകത്തിലെ ആദ്യ രാജ്യമായി യുഎഇ.റമസാൻ മാസപ്പിറിവിക്കും യുഎഇ നൂതന സാങ്കേതിക വിദ്യ ഉപയോഗിച്ചിരുന്നു. ഉയർന്ന കൃത്യതയുള്ള ലെൻസുകൾ ഘടിപ്പിച്ചിട്ടുള്ള ഡ്രോണുകൾ അൽ-ഖാതിമിലെ ജ്യോതിശാസ്ത്ര നിരീക്ഷണ കേന്ദ്രത്തിൽ നിന്നാണ് വിന്യസിച്ചത്.

ജ്യോതിശാസ്ത്ര കണക്കുകൂട്ടലുകൾ അടിസ്ഥാനമാക്കി ചന്ദ്രന്റെ സ്ഥാനത്തേക്ക് നീങ്ങിയ ഡ്രോണുകൾ അമ്പിളിക്കലയെ കണ്ടുപിടിച്ച് ചിത്രവും ദൃശ്യവുമെടുത്താണ് മടങ്ങിയത്. കാഴ്ച തടസ്സപ്പെടുത്തുന്ന വെല്ലുവിളികളെ മറികടക്കാനും കൃത്യമായ നിരീക്ഷണത്തിനും വ്യക്തത ഉറപ്പാക്കാനും എഐ ഡ്രോൺ നിരീക്ഷണത്തിലൂടെ സാധിച്ചതാണ് നേട്ടം.