ഇവിടുത്തെ സുരക്ഷ ഞങ്ങൾ നോക്കിക്കോളാം;മെസ്സിയുടെ അംഗരക്ഷകന് വിലക്ക്

ലയണൽ മെസ്സിയുടെ അംഗരക്ഷകനായ യാസീൻ ചൂക്കോവിനോട് യു.എസ്. മേജർ സോക്കർ ലീഗ് (എം.എൽ.എസ്.) മത്സരങ്ങളുടെ ടച്ച് ലൈനിൽ നിൽക്കേണ്ടതില്ലെന്ന് സംഘാടകർ അറിയിച്ചു. എം.എൽ.എസ്. മത്സരങ്ങളുടെ സുരക്ഷാ ചുമതല തങ്ങൾ നേരിട്ട് ഏറ്റെടുക്കുന്നതിനാൽ സ്വകാര്യ അംഗരക്ഷകരെ ടച്ച് ലൈനിൽനിന്ന് വിലക്കുകയാണെന്ന് സംഘാടകർ അറിയിച്ചു.

യു.എസ്. ക്ലബ് ഇന്റർ മയാമിയിൽ ചേർന്നത് മുതൽ ലയണൽ മെസ്സിക്കൊപ്പം നിഴൽപോലെ യാസീൻ ചൂക്കോവ് ഉണ്ട്. മുൻ യു.എസ്. സൈനികനായ 36-കാരൻ യാസീന് ഫുട്ബോളുമായി ബന്ധമില്ല. മിക്സഡ് മാർഷ്യൽ ആർട്സ് (എം.എം.എ) താരമായിരുന്ന യാസീൻ തായ്ക്വാൻഡോ, ബോക്സിംഗ് എന്നിവയിൽ വിദഗ്ദ്ധനാണ്.