എംഡിഎംഎയും കഞ്ചാവുമായി യുവാവ് അറസ്റ്റിൽ

വിൽപ്പനയ്ക്ക് എംഡിഎംഎയും കഞ്ചാവുമായി ഓട്ടോറിക്ഷയിൽ പോയ യുവാവിനെ ബേക്കൽ പോലീസ് അറസ്റ്റുചെയ്തു. പൊയിനാച്ചി ചെങ്കള ചെറുകര കോളനിയിലെ അബൂബക്കർ സിദ്ദീഖ് (33) ആണ് പിടിയിലായത്. ദേശീയ പാത ബട്ടത്തൂരിൽ നിന്നും പാലക്കുന്ന് ഭാഗത്തേക്ക് വരികയായിരുന്ന ഓട്ടോറിക്ഷ പോലീസ് പരിശോധിച്ചപ്പോഴാണ് 1.280 ഗ്രാം എംഡിഎംഎയും 26.850 ഗ്രാം കഞ്ചാവും കിട്ടിയത്.

8930 രൂപ,രണ്ട് തിരിച്ചറിയൽ കാർഡുകൾ, പഴ്സ്, സ്മാർട്ട്ഫോൺ, ഇയാൾ ഓടിച്ചിരുന്ന ഓട്ടോ റിക്ഷ എന്നിവ പോലീസ് കസ്റ്റഡിയിൽ എടുത്തു. ബേക്കൽ സബ് ഇൻസ്പെക്ടർമാരായ എം.സവ്യസാചി, കെ.വി. മനോജ് കുമാർ, അഖിൽ സെബാസ്റ്റ്യൻ, സിവിൽ പോലീസ് ഓഫീസർ വിജേഷ് എന്നിവരാണ് പരിശോധക സംഘത്തിൽ ഉണ്ടായിരുന്നത്. അബൂബക്കറിനെതിരെ മേൽപ്പറമ്പ് പോലീസിലും സമാനമായ കേസുണ്ടെന്ന് പോലീസ് പറഞ്ഞു.