കൊല്ലത്ത് മദ്യലഹരിയിൽ കത്തിക്കുത്ത്; ഒരാള്‍ മരിച്ചു

കൊല്ലം: കൊല്ലത്ത് മദ്യലഹരിയിലെ കത്തിക്കുത്തില്‍ ഒരാള്‍ മരിച്ചു. കൊല്ലം അഞ്ചാലുംമൂട് ചെമ്മക്കാട് സ്വദേശി അനില്‍ കുമാര്‍ (35) ആണ് കൊല്ലപ്പെട്ടത്. ഗുരുതരമായി പരിക്കേറ്റ ധനീഷ് എന്നയാളെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. കൊലപാതകം നടത്തിയ പ്രതി അജിത്തിനെ അഞ്ചാലുംമൂട് പൊലീസ് കസ്റ്റഡിയില്‍ എടുത്തു. ഇന്ന് രാത്രി 9 മണിയോടെയാണ് കൊലപാതകം നടന്നത്.

അഞ്ചാലുംമൂട് പനയം ക്ഷേത്രത്തിലെ വിളക്ക് മഹോത്സവം കാണാനെത്തിയതായിരുന്നു മൂവര്‍ സംഘം. എന്നാല്‍ മദ്യലഹരിയിലായിരുന്നവര്‍ തമ്മില്‍ വാക്കുതര്‍ക്കത്തിലേര്‍പ്പെടുകയും പീന്നീട് അത് കൈയ്യാങ്കളിയിലേക്കും കത്തിക്കുത്തിലും കലാശിക്കുകയായിരുന്നു. പരിക്കേറ്റ അനില്‍കുമാറിനെ കൊല്ലം ജില്ലാ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.