ഐപിഎല്ലിൽ സുരക്ഷാ പ്രശ്നം: കൊല്‍ക്കത്ത നൈറ്റ് റൈഡേഴ്സ് – ലഖ്നൗ സൂപ്പര്‍ ജയന്റ്സ് മത്സരങ്ങളുടെ സ്ഥലം മാറ്റി

ഡല്‍ഹി: ഇന്ത്യന്‍ പ്രീമിയര്‍ ലീഗില്‍ ഏപ്രില്‍ 6 ന് ലഖ്നൗ സൂപ്പര്‍ ജയന്റ്സിനെതിരെയുള്ള കൊല്‍ക്കത്ത നൈറ്റ് റൈഡേഴ്സിന്റെ ഹോം മത്സരം കൊല്‍ക്കത്തയില്‍ നിന്നും ഗുവാഹത്തിയിലേക്ക് മാറ്റി. രാമനവമി ആഘോഷങ്ങള്‍ നടക്കുന്നതിനാല്‍ ഐപിഎല്‍ മത്സരത്തിന് വേണ്ടത്ര സുരക്ഷ ഒരുക്കാന്‍ കഴിയില്ലെന്ന് പൊലീസ് അറിയിച്ചതിനെ തുടര്‍ന്നാണ് മത്സരം മാറ്റിയത്.

ബംഗാള്‍ ക്രിക്കറ്റ് അസോസിയേഷന്‍ (സിഎബി) പ്രസിഡന്റ് സ്‌നേഹാശിഷ് ഗാംഗുലിയാണ് ഇക്കാര്യം മാധ്യമങ്ങളെ അറിയിച്ചത്. ഉത്സവത്തോടനുബന്ധിച്ച് പശ്ചിമ ബംഗാളില്‍ 20,000 ത്തിലധികം ഘോഷയാത്രകള്‍ സംഘടിപ്പിക്കുമെന്ന് ബിജെപി നേതാവ് സുവേന്ദു അധികാരി നേരത്തെ പ്രഖ്യാപിച്ചിരുന്നു.