അൽ ഐനിലുണ്ടായ വാഹനാപകടത്തിൽ പത്തനംതിട്ട സ്വദേശി മരിച്ചു

യുഎഇ: യുഎഇയിലെ അൽ ഐനിലുണ്ടായ വാഹനാപകടത്തിൽ മലയാളിക്ക് ദാരുണാന്ത്യം. പത്തനംതിട്ട സ്വദേശി യുഎഇയിൽ ലിഫ്റ്റ് ടെക്നീഷ്യനായി ജോലി ചെയ്തിരുന്ന പുതുശ്ശേരി ആലുങ്കൽ മനു ഡി മാത്യു ആണ് മരിച്ചത്. 36 വയസ്സായിരുന്നു.

മനു സ‍ഞ്ചരിച്ചിരുന്ന കാർ നിയന്ത്രണം വിട്ടാണ് അപകടമുണ്ടായതെന്നാണ് ബന്ധുക്കൾക്ക് ലഭിച്ചിരിക്കുന്ന വിവരം. ശനിയാഴ്ച രാത്രിയോടെയായിരുന്നു സംഭവം. ഭാര്യ: ക്രിസ്റ്റി. മക്കൾ: ബോർണിസ് മനു, ബെനീറ്റ മനു. സംസ്കാരം പിന്നീട് നടക്കും.