‘എവരിമാൻ ആക്ടര്‍’; പൊന്‍മാന്‍ കണ്ട് ബേസിലിനെ പുകഴ്ത്തി അനുരാഗ് കശ്യപ്

ബേസില്‍ ജോസഫ് – ജ്യോതിഷ് ശങ്കര്‍ കൂട്ടുക്കെട്ടില്‍ റിലീസ് ചെയ്ത പൊന്‍മാന്‍ സിനിമയെ പ്രശംസിച്ച് ബോളിവുഡ് സംവിധായകനും നടനുമായ അനുരാഗ് കശ്യപ്. യഥാര്‍ഥവും രസകരവുമായ സിനിമയായിരുന്നു പൊന്‍മാനെന്നും ഇന്നുള്ളവരില്‍ ബേസിലാണ് ഏറ്റവും മികച്ച കൂളസ്റ്റ് എവരിമാന്‍ ആക്ടര്‍ എന്നും അനുരാഗ് കശ്യപ് കുറിച്ചു.

മാര്‍ച്ച് 14 ന് ജിയോ ഹോട്ട്സ്റ്റാറിലൂടെയായിരുന്നു ചിത്രത്തിന്‍റെ സ്ട്രീമിം​ഗ് ആരംഭിച്ചിരുന്നത്. മലയാളത്തിന് പുറമെ തമിഴ്, തെലുങ്ക്, കന്നഡ ഭാഷകളിലും ചിത്രം സ്ട്രീമിം​ഗ് ആരംഭിച്ചിരുന്നു. റിലീസ് ചെയ്യപ്പെട്ട എല്ലാ ഭാഷകളിലും ചിത്രം ട്രെന്‍ഡിം​ഗ് ലിസ്റ്റില്‍ ഇടംപിടിച്ചു എന്നതാണ് ഏറ്റവും വലിയ പ്രത്യേകത. മലയാളത്തിനൊപ്പം തമിഴിലും തെലുങ്കിലും ചിത്രം ട്രെന്‍ഡിം​ഗില്‍ ഒന്നാമതാണ്. കന്നഡത്തില്‍ രണ്ടാമതും ഹിന്ദിയില്‍ നാലാമതുമാണ് ചിത്രം.