നോൽ കാർഡുകൾ ഇനി മൊബൈൽ ഫോണിലെ വോലറ്റിൽ സൂക്ഷിക്കാം

നോൽ കാർഡുകൾ ഇനി മൊബൈൽ ഫോണിലെ വോലറ്റിൽ സൂക്ഷിക്കാം.കാർഡുകൾ കയ്യിൽ കൊണ്ടുനടക്കേണ്ട. നോൽ കാർഡിനു പകരം ബാങ്ക് കാർഡുകൾ ഉപയോഗിച്ചും പേയ്മെന്റ് പൂർത്തിയാക്കാം.നോൽ കാർഡുകൾ പൂർണമായും ഡിജിറ്റലാക്കുന്നതിന്റെ മൂന്നാം ഘട്ട പ്രവർത്തനങ്ങൾ 40% പിന്നിട്ടതായി ആർടിഎ അറിയിച്ചു.

ഫോണിൽ കാർഡുകൾ ലിങ്ക് ചെയ്ത്, അതുപയോഗിച്ചു യാത്ര സാധ്യമാകുന്ന സംവിധാനമാണ് നിലവിൽ വന്നത്. പുതിയ സംവിധാനത്തിൽ ഓരോരുത്തർക്കും ഡിജിറ്റൽ അക്കൗണ്ടുകൾ തുടങ്ങാം. അതിൽ, നോൽ കാർഡുകൾ ബന്ധിപ്പിക്കാം. നോൽ കാർഡ് അക്കൗണ്ടും ബാങ്ക് അക്കൗണ്ടുമായി ബന്ധിപ്പിച്ചു റീചാർജ് അടക്കമുള്ള കാര്യങ്ങൾ ഡിജിറ്റലായി പൂർത്തിയാക്കാം. ‍