കൊല്ലം കടപ്പാക്കടയിൽ റെയിൽവേ ട്രാക്കിൽ മൃതദേഹം; നിർത്തിയിട്ട കാറിനകത്തും ചോരപ്പാടുകൾ; മരിച്ചയാളെ തിരിച്ചറിഞ്ഞില്ല; അന്വേഷണം

കൊല്ലം: കൊല്ലം കടപ്പാക്കടയിൽ റെയിൽവേ ട്രാക്കിൽ മൃതദേഹം കണ്ടെത്തി. ട്രെയിൻ ഇടിച്ച് മരിച്ച നിലയിലാണ് മൃതദേഹം കണ്ടെത്തിയത്. റെയിൽവേ പാതയ്ക്ക് സമീപം ഒരു കാറും നിർത്തിയിട്ട നിലയിൽ കണ്ടെത്തി. കാറിനകത്തും ചോരപ്പാടുകളുണ്ട്. പൊലീസ് സ്ഥലത്തെത്തിയിട്ടുണ്ട്.

അപകട മരണമാണോ, കൊലപാതകമാണോ ആത്മഹത്യയാണോ എന്ന് വ്യക്തമായിട്ടില്ല. പൊലീസ് വിശദമായി അന്വേഷണം നടത്തുമെന്ന് വ്യക്തമാക്കി. മരിച്ചയാളെ തിരിച്ചറിഞ്ഞിട്ടില്ല. രാത്രി ഏഴ് മണിയോടെയാണ് സംഭവം നടന്നതെന്നാണ് വിവരം.